مرحبا خواتي
انا خذت حبوب كلوميد من ثاني يوم الدوره وخذت ابر من اليوم الثامن للدوره كل يوم ابره لمده اربع ايام . سرت عند الدكتوره حسب الموعد وقالت عندج تبويض وعطتني ابر تفجير بعد ثلاث ايام حسيت بعوار مش طبيعي في بطني وانتفاااااااااااااخ فظيع في البطن وماروم امشي ولا اي شي .
يوم سرت المستشفى على قالت لازم اسوي لج صوره طلع عندي تضخم في المبياض وشويه ماي في البطن وسرعت التجلط في الدم . حتى رقت في المستشفى ست ايام …
هذا كله من جرعه الابر الزايده .
مش عارفه شو اسوي هذا الشهر وين اكمل علاجي طبعاًَ كاميليا مستحيل ارجع عندها . شورايكم اسير عند دكتوره اوراس او ناديه في بوظبي او مريال مركز الامير الطبي ؟؟؟؟؟؟؟
انصحوني خواتي واذا في حد صار نفس المشكله ؟؟؟؟؟؟؟؟؟؟؟؟؟؟؟؟
أنا صارت معي أختي ..
أخذت نفس الجرعة الي أخذتيها مع الدكتورة غزل في العين
وكنت بموت من ويع بطني
ورحت للدكتورة غزوى في الامارات الدولي صرخت علي قالت وايد عندج تضخم في المبيض
نتيجة زيادة في الجرعة خصوصاً كنت أول مرة أخذهم بالرغم من علاجي ويا فوفو قبل
ما صرفتهم لي الا بعد كورس من العلاج الطويل ويا الكلوميد
بس يوم جربتهم ويا غزل أول مرة كانت جذي النتيجة وتعقدت من الابر
وكانت كل ما تصرفهم لي فوفو ما أخذت منهم غير مرة بس ما صارلي الا صار ويا غزل
بس الموضوع عادي عطي نفسج راحة من الابر لأنها وايد بتأثر عليج من الناحية النفسية وحتى الصحية
موب زين تاخذينهم كل شهر ..
مشكوره الغاليه وتسلمين على الرد
واذا فكرت مره ثانيه اخذ بس باخذ ابره او ثنتين والله كريم
اللي الله كاتبه بيصير كل شي بيد رب العالمين …..
انا انصحج باوراس كل حريم العايله عندنا وربيعاتنا يتعالجوون عندها وخالتي كان عندها تاخر بالحمل سارت تعالجت عندها وماشالله الله على طوول حملت ولا بعد ما ربت بسنه او اكثر شويه حملت بعد مره مع ان هيه من النوع اللي ما تحمل بسرعه .. والله اعلم
أم ميار بعد المفروض ترجعين لدكتورتج وتقولين الها بنتيجة الابر الي صرفتهم لج ..
وراح تخفف عليج الجرعات في المرات اليايه .. نصيحة لا تغيرن دكتورتج إذا مقتنعة في علاجها
لأن التغيير الدايم يشتت في الواحد
السلام عليكم ورحمة الله وبركاته
الله يحفظج اختي ويكتب لج اللي فه الخير يارب
أنا تقريبا رحت كل مكان وكل دكتوره تختلف عن الثانيه بعالجها
والله ماكتب اني احمل وهذا من رب العالمين
و الدكاتره اللي رحت لهم ما اكمل علاجي عندهم لاني بعد فتره ما ارتاح لهم او امسك عليهم غلطه اتخليني اكره اراجع عندهم
بس حاليا اللي ارتحت لها الدكتوره نفسيه في مستشفى الزهرا بالشارجه
بس المشكله في المستشفى في زحمته و مواعيده وتأخيراتهم ولا الدكتوره ممتازه
هذا اللي اقدر افيدج فيه
والله يحفظج يارب
حبيبتي الغالية
دكتوره كاميليا ممتازة وايد
ارجعي لها واشرحي لها الحالة اللي صارتلج
يمكن ما كانت جرعه زايدة .. يمكن طبيعة جسمج ما تحمل
وايد اسباب ..
ارجعي لها وخلها تشوفج
وشوفي شو بتقولج
وإن شاء الله ربج بيسر