السلام عليكم و رحمه الله و بركاته
في شي في حياتي وأنا محتارة فيه وااايد
أتمنى تعطوني رايكم
انا اشتغل في مكان نوعا ما زين يبعد عن بيتي تقريبا نص ساعة أو أكثر شوي
و عايشه مع اهل زوجي
وعرض علي شغل ثاني بمواصفات مغريه جدا (3 اضعاف راتبي الحالي أو يمكن أكثر)
بس المشكلة أن المكان ابعد عن هذا المكان اللي انا فيه احين يعني لاززززززم اعيش هناك و استقر
و بالتالي بيكون زوجي بعيد عني نتلاقى ف الويك اند او مرتين ف الاسبوع !! بس
فشو تقترحون علي اقبل بالوظيفة و للعلم بكون مسؤولة هناك
و الا اتم ف مكاني
؟ . ؟ . .؟
اختي الأفضل انج تتشاورين ويا ريلج في هالشي وتتفاهمون ..
واذا كانت هالوظيفه اليديده عايبتنج حاولي تقنعينه على اساس
انه ينتقل معاج بالسكن لمكان قريب من شغلج عشان ما تفترقون ..
والله يوفقج ان شاءالله ويهديج للي فيه صالحج ..
بسمالله الرحمان الرحيم
والله الفلوس مب كل شي …صح … انه الفلوس …تشتري اللي ما ينشرى…بس لا تخسرين ريلج …لانه الريل ما يتعوض….لا العشره و الا الحب و لا الاخلاص…
لا تغدين … مب عاقله ؟… الريال يوم عندج مب سهل …و ين يوم تفجيله راسه …صدقيني لا يغرونج بالفلوس…و انشالله رب العالمين بيفتح باب رزقج…اتوكلي عليه …
وهذا رايي صراحه ..ز
اختج في الله
الفلوس تى وتسير لكن البيت مايتعوض اذا ريلج وافق على خير اذا اعترض فله الطاعه
والله يوفجج
اذا عندج عيال احسن لا تحرميهم من قعدة ابوهم كل يوم معاهم والفلوس ما تغني عن حنان الاب
واحتمال ثاني زوجك ما يرتاح للفكره وممكن يجاملج لانه ما يبي يكسر بخاطرج
والراي الاخير لج حبوبه
البنات ماقصرن قالوا اللي فيه الخير صح الفلوس حلوه
بس بيتج اولى وريلج اكيد بيجاملج علشان مايكسر خاطرج ويمكن ادشين بمتاهات انتي بغنى عنها بسبب بعدج عن ريلج
ونتمنى ماتزعلين من كلامنا نحن مثل خواتج ولومانعزج ونخاف على مصلتج ماكنا بننصحج للطريق السليم
جرح الغلا
نسيم _ البر
رويه
ساسمو
ليلة عمر
ما قصرتو مشكورات عالنصيحة
و انا باخذها بعين الاعتبار ان شاء الله
بس المشكلة الغاليات اني شاورته و مثل ما قلتو يمكن ما كان يبا يكسر بخاطري فوافق
و ان عطيتهم خبر اني موافقة
بس بعد ها و اااااايد ترددت وااايد و للحين متردده
كيف اعتذر منهم و هم خذو كلمة مني؟؟
الله يسهل ان شالله