السلام عليكم خواتي….
بنتي صف خامس طالبين منها اتسوي مشاريع خيريه مصورة يخدم الهلال الأحمر…. ابغي أفكار يديده غير عمال النظافه ….
مثال إنها اتسوي سندويشات واتقدمها الصبح لعمال النظافة في الشارع وانا أوثق ها التصرف بالصور والتقرير….
أبغي أفكار يديده…
وانا بنوي من ها المشروع الأجر والثواب لي ولكم وحابه أزرع عمل الخير في قلب بنتي وكل هذا في ميزان حسناتكم….
ممكن تسوي حملة تبرعات الملابس والبطانيات للناس المحتاجه واحين داخلين على البرد سواء لداخل الدولة او خارجها
ممكن توزع مصاحف او كتب دينية او كراتين الماي للمساجد
موفقة ان شاء الله
المشاركة الأصلية كتبت بواسطة ام راشـد 
ممكن توزع مصاحف او كتب دينية او كراتين الماي للمساجد
موفقة ان شاء الله
يزاج الله خير الغاليه
مشروع توزيع كتيبات يتم شراءها من المكتبات الاسلامية
مشروع توزيع سيديهات القران الكريم
مشروع توزيع ماي او عصاير على عمال النظافة
مشروع وضع الملابس في الصناديق امام المساجد للتبرع بهم
مشروع توزيع المصاحف على المساجد
افكر ممكن تخبزين كب كيك او بسكويت او نوع سويت سهل وخفيف وتخلينها تشاركك بالمطبخ , وممكن تصورون بعض مراحل الاعداد, وتسوينه بعدها توزيعات للعمال , وخبريها ان كل توزيعه لها عليها أجر 
ممكن تنسقون زيارة لمراكز فيها اطفال توحد او سرطان الله يحفظ عيال الجميع , وتوزعون عليهم شي بسيط يناسبهم ويرفع معنوياتهم
دار المسنين أختي ، أو دار الأيتام بعد هذا مشروع حلوو،،، واتمنى أكون ساعدتج حبيبتي ،،
توزيع هدايا مميزة لاطفال ايتام
او لو تعرفون عائلة فقيرة ممكن تشترون لها شي جدا تحتاجه … مثل مكيف او كمبيوتر حق الاطفال
مرة شفت فكرة كتير مؤثرة انهم خلو عمال يكلمون اهلهم مجانا وجداا كانو فرحانين
انا احب المشاريع الي تدخل الفرحة على قلوب الناس بشكل غير اعتيادي … يمكن الفقراء دايما بياخدون طعام وملابس .. احب افكر باشياء جديدة قليل ما حد يسوينها لهم ..