أرجوكم خواتي ساعدوني في مشكلة صديقتي

خواتي مشكلة صديقتي هي متزوجة وعندها أولاد وزوجها عند الخير وايد وهي بعد تشتغل ووقتها كله لعيالها وزوجها ومامقصرة معاهم وطيبة مع الناس المشكلة إنها من سنين عندها رخصة سواقة ووعدها زوجها يشتري ليها سيارة ولكن كل مرة مايوفي بوعده فطلبت منه تشتري بروحها السيارة لكنه رفض علي أساس انه هو بيشتري ليها وهي مسكينة ملت من وعوده الكاذبه وهي في أمس الحاجة ليها كان للشغل أو للمدرسة أو المستشفي خواتي دلوها علي طريقة تخلي زوجها يشتري ليها السيارة أو هي تشتريها لأنها ماقادرة تتحمل هذه المذلة حتي إنها فكرت تترك له البيت بس فكرت في اولادها وعلي فكرة زوجها يثق فيها وشكرا

خلها تستهدي بالله وتعرض عليه انهم اييبون دريوليه وسيارة للبيت يمكن هوه يخاف عليها من السواقه بس مايبغي يقولها صح والا ومب عشان السيارة الوحده تهد بيت ريلها وتطلع خلها تكبر مخها وتعرض عليه الفكرة وقوليلها لاتشد وياه لانه هوه ولي امرها وادرى بمصلحتها وتقنعه بالتي هيه احسن …

حبيبتي هم عندهم دريول ويوصل الأولاد المدرسة ويتأخر عليها وأوقات بعد يتأخر عليها في الإنصراف
وفي الإجازات هي تاخذ عن الدريول السيارة وزوجها ماعنده مانع بس هي تبي سيارة خاصة فيها علشان ماتتأخر عن الدوام أو أي ظرف طارئ والدريول ماليها روحها وعيالها لا حتي لشغل زوجها ولو كن زوجها مايرضي تسوق ماكان خلاها تاخذ رخصة سواقة فأرجوكم دلوها عل طريقة

عفواً أخواتي المتزوجات

الله يهديها و يهديه لبعض

يالله ياختي ما يسوه عليه الفقير عشان ما خذالها موتر بتودر البيت
الناس تبا الراحه ويكفيها انه ريلها زين معاها وربيعتح ادور المشاكل روحها السيارة مب كل سعادتها
خ تعوذ من الشيطان وكل شي بينحل بالعقل والنقاش

خليها بالأول تفهم شو سبب التأجيل !!!

اختي انا من خمس سنين وزود عندي ليسن وللحين ريلي ما خذالي سيارة وعادي عندي
مع انه يقولي باخذلج وباخذلج بس انا اعرف ريلي ما يبا يزيد سلفيته عسب جي اسكت عنه
وهو فديته اي وقت بغيت الموتر ما يقصر احيانا اوصله الدوام واخذ الموتر واحيانا اخذ سيارة عمي
او اخت ريلي والحياة ماشية بس دوام الحال من المحال اكيد في يوم من الايام بياخذلي ليش ايلس اعور راسي من الحين