يا بنات يا حلوين يا أمامير (جمع أموره خخخ)
طلبتكن تساعدني،
عاد انا مسويه فيها فنتك ومقنعه العايلة الكريمه نروح قطر والبحرين في إجازة العيد الوطني، طبعا رحله سفاري بالسيارات، عن عن عنننننننننننن ، دام ان الجو حلو الحين :0) ، نقضيها يومين في قطر وثلاث في البحرين، ونرجع بيوم عرفه :0)
الحين مشكلتني ان الفنادق ما تنفع لنا لأننا بنكون كذا عايله وكذا سياره، وطبعا عندنا صغاريه فطبعا الشقق الفندقيه بتكون اريح لنا بواااايد.
فلو سمحتوا يا حلوين، هل من مساعد ؟ حد منكن راح البحرين ولا قطر وجرب اي من الشقق الفندقيه الي عندهم ؟ ، ،،،،
عاد شقق نظيفه وجديده، تفتح النفس وطبعا طبعا اسعارها تكون معقوله…
تشكرات
انزين كلمه ولو جبر خاطر
هلا و الله
ف قطر في فندق شقق الدوحه …شققهم حلوه و وسيعه و نظيفه و عندهم خدمة تنظيف غرف يوميا
و الله وانا سكنت عندهم مرتين …و مناسب حق العوايل وايد
و عن البحرين ما جد سرتلها و اتمنى اكون فدتج بشي
بشوف لج الرقم و بحطه اذا لقيته…
نفس الحاله أدور سويتات في البحرين..
بس مشكلة البحرين كلها فل .. يعني لين ألحين ما لقينا حجز..
إذا حد يعرف فنادق في البحرين ياليت يخبرنا بس أهم شي ما تكون أقل عن 4 نجوم..
سي يوووووو
مشكورات خواتي،
انا لاقيه في قطر ، بس في البحرين لغايه الحين ادور…. وادور وادور