أخاف عليه من الغربة

شحالكم، عساكم بخير

أنا في شيء مظايجني بحياتي، هي أن ريلي مسافر برع عسبة الدراسة، مب مشكلة
بس اللي مظايجني أنه هو يسكن بروحه في البيت يعني ما عنده حد، وأنا مابا يسكن بروحه، أخاف عليه وبنفس الوقت موووول مب مرتاحة

كلمته كذا مرة أنه ييب معاه حد من ربعه يسكن معاه، بس هو مب راضي، يقول أنه ما يبا حد، وأنا ما أقدر أسافر له حاليا، وضعي أبد ما يسمح

أنا ماباه يتم بروحه، تخيلوا هو بروحه يطبخ ويغسل وينظف وفوق هذا معاه دراسة، حرام غامضني

مب عارفة شو الحل معاه

اللي عندها حل يا ليتها تساعدني، مالي حد غيركم أشكيله همي

الله يخليكم لي

بليز محتاجة مساعدتكم

المشاركة الأصلية كتبت بواسطة قطرة ألم

انصحج بأنج اتسافرين وياه

ودري كل شي وسافري وياه

خاطري أسافر معاه بس ما أقدر نهائيا

ظروفي أبد ما تسمح