السلام عليكن الغاليات
أنا قلت لكن من فترة اني ما بشارك الا في كتابه مشكلتي
مشكلتي هييه هاي http://forum.uaewomen.net/showthread.php?t=513998
بس الجديد الي فيييها بخبركن ……
وأنا في الدوام شفته والله اني شفته
شفته وأنا متأكده شفته منزل رأسه وعقب انا طلعت من المكان الي كان هو فييييه
ودقايق ورديت
وشفت الاوراق كلهن وما شفت شى له تخبرت عنه ربيعتي قالتي لي ما شفته قلت لها توه من دقايق كان واحد واقف قالي لي ما شفت حد
ووقتها قلت اكيد اتخيل بس ورب السماء والارض اني شفته بعيوني مع اني ما قمت افكر فييييه مثل أول
وخاصه في الدوام ما افكر في اي انسان
بس ليش يستوي فيني جذا
أمهاتي فديتكن لا تلومني ولا تجرحني الي فيني مكفني وشبعانه من التجريح
عرسه شكله قريب وربي يوفقه يارب ويكتب له السعاده وين ما رااااح
ربي يكشف له المستور قريب يارب واطلع برئية من كل هذه اللعبه الي وضعوني فيييه
أمهاتي خواتي ادعلي وبدعيلكن
أنا مظلومة ورب السماء والارض وهو بعد انظلم معاي على الأقل انا كشفت كل اللعبه بس هو بعده على عماه ومصدق كل شى ء انقال ما حاول حتى يكتشف الاسباب
اتمنى من كل قلبي انك تدعن لي والشاهد الله اني بدعي لكن
استغفر الله
الله يفرج همج يا رب
ما ادري انتي مب موضحه نوع المشاكل ..
يعني منيه والدرب رفضتي وانتي اصلا في خاطرج موافقه وتبينه
الريال ما بيسأل البنت ليش رفضتيني ؟ لانه جرح لكرامته
حبيبتي انسيه ..هو ريال متزوج الحين …
ول في نصيب بياخذج لا يلعب بج الشيطان ويخليج توسوسين ..
وإن شاء الله يعرف انج مظلومة ..
بس مب معناتها ياخذج …او شي ثاني هو الحين مرتبط بوحده ثانيه
والله يعوضج بإلي احسن منه يهنيج دنيا وآخره
الله يفرج همج يا رب
ويوفقج ويرزقج بولد الحلال ^^
خلاص الريال سار في حال سبيله الغلا
عيشي حياتج من ايديد و ادعي ربج يرزقج واحد احسن عنه
والله يوفقج ويرزقج الزوج الصالح
اذا كنتي تحبينه وتبغينه جان ماهمج المشاكل شو فاد عنادج ورفضتيه مستحيل الريال بيسالج انتي لي رافضتني او بيهتم لانج جرحتيه اكيد ماخذ عنج فكره انج ماتبينه
عسبت جذي راح شاف وحده غيرج لانه حاط فباله انج ماتبغينه
تراج رفستي النعمه او يمكن خير لج
يارب ارزقها بزوج صالح ويبعدها عن الشر
اسمحيلي اذا كلامي فيه تجريح ترى هذا الواقع