السلام عليكم
حبوبات مثل ما تعرفون من مواضيعي انه عنق الرحم مالي صغر
وهذا يدل على ولاده مبكره والحمدلله البيبي فالحوض من قبل
وفيني التهابات
انا بعد 5 ايام بدخل الشهر التاسع باذن الله
كنت حاطه فبالي راح اكون مربيه ف هالوقت..وهذا كلام الدكتورة
بس الحمدلله ماربيت لحد الآن((كل تاخيره فيها خيره))
المهم انا ايني عوار شرات الدورة تسير وترد
بس بشكل خفيف واقدر اتحمله الحمدلله
ومن يومين يكون ف بطني وظهري
واليوم الظهر بس ف بطني وكان مستمر لمده عشر دقايق تقريبا
اللي ابغي اعرفه في وحده حست ف هالاعراض
لاني قريت قصص ولاده وايد من الحريم اتيهم آلام شرات الدورة ويكون هذ طلق
او الرحم يكون فاتح 2 او 3 سانتي
ياليت تفيدوني شو ممكن تكون هالاعراض؟؟
وانا بتاريخ 26 لما بدخل التاسع عندي موعد فالعياده وبكون فالاسبوع 35 و4ايام
اما فالمستشفى اللي بولد فيه بتاريخ 210 لاني كنت سايره عندهم مراجعه قبل 6ايام
وبكون فالشهر التاسع الاسبوع 36 و3 ايام
الله يسهل علي وعلى كل حامل ويسر ويهون علينا يارب
ويرزق كل محرومه
ويرزق الكل بالذريه الصالحه
ويرزق كل بنت بزوج صالح
والله يشافي ويعافي كل مريض
باذن الله
اختى الاعراض الى تحسي فيه
هى من علامات الولاده ان شاء الله
اهم شي اذا زادت ولالا نزل عليج ماى ولالا دم
على طول تسيرين المستشفى وربي يقوومج بالسلامه
السلام عليكم /// من علامات الولادة يا انه ينزل عندج ماي أو تنزل سدادة عنق الرحم واللي هي عبارة عن مادة مخاطية مع خيوط دم /// وآلام الولادة معروفة تكون ورا بعض … من تنزل لج الافرازت المخاطية عاد يبدأ عنق الرحم يتوسع … ربي يسهل عليج وعلى الجميع ويرزق كل من يتمنى الذرية الصالحة يارب … أنصحج بالاكثار من المشي والتمر او الرطب وماي زمزم … وكثري من الدعاء والاستغفار بأن الله يسهل عليج وعلى الجميع …
الله يسهل عليج وعلى الجميع …
ان شاء الله يكون اعراض ولاده
بس يمكن هالعوار ايني عشان الحوض يتوسع
او الرحم ينفتح عندي
ياليت اباقي العضوات يقولون رايهم
ويزاكن الله خير على ردودكن
والله يسهل على كل حامل ويهون ويسر يااااارب
ويرزق كل محرومه
ويرزق الكل بالذريه الصالحه
ويرزق كل بنت بزوج صالح
ويشافي ويعافي كل مريض
ان شاء الله
الله يسهل عليج يارب