هلا والله بالغاليين .. حياكم الله معاي بمطبخي المتواضع
اليوم حبيت احط بعض الكشنات للرز .. واذا حد عنده طرق ياليت يحطها لنا
هنيه بالموضووووع
بسم الله نبدا
(( كشنة بالفليفله ))
المقادير ..
بصله
طماطه
فليفله او نص
حبة ماجي
ثوم مطحون
بهار
الطريقه …
نحمر البصل ثم نضيف له الثوم ثم الفليفله ونتركه لين تذوب
نحط عليه الطماط ونتركه يلين .. نحط عليه العيش .. وندخله الفرن
مدة ربع ساعه …
وبالعاااااااااافيه ..
الطبق الثاني (( البصل والطماطم ))
المقادير ..
بصله
طماطه
ثوم مطحون
فلفل حار
بهار .. ملح
الطريقه …
نحمر البصل مع الثوم .. نضيف له الطماطه والفلفل الحار ونتركها حتى تذبل
ونرشه بالبهار والملح .. نضع عليه العيش وندخله الفرن
وبالعاااااااافيه …
الطبق الثالث (( البصل بالكركم ))
المقادير …
بصله
رشة كركم
الطريقه ..
نحمر البصل مجرد يصفر نحط عليه الكركم ..
نحط عليه العيش وندخله الفرن …
والعاااااااااااااااااااااااافيه
الطبق الرابع (( كشنة البصل والصلصه ))
المقادير والطريقه ..
نحمر البصل ثم نضيف لها ملعقة صلصه فنجانين وشوية بهار
نحط عليه العيش وندخله الفرن
وبالعاااااافيه ..
وسلااااااااااااااااااااااااامتكم .. ان شاء الله تستفيدون منه ..
لذيــــــــــــذ..!!
اخر طريقة ماعرفها،، بجربها ان شاء الله،
سلمت يمناج عزيزتي اماراتيه مظلومة ع الطرح الطيب،،
مجهود جدا رائع ،، ربي يعطيج العافيه غناتي،،
لا هانج الله،،
لا عدمناج،،
تحياتي،،اختج
ورد جـــــوري
سلمت يداكي
بس العيش يا الغاليه يكون مسلوق قبل ؟؟ ولا احطه ني وبعدين ادخله الفرن ؟؟؟ احسبه بيغدي يابس جيه ؟؟
ممكن تخبريني طريقة الطبق الاول بالتفصيل ؟؟ والعيش كم جيله ؟؟؟