السلام عليكم
بصراحه انقهر من بعض المتزوجات إلي يوم اتقوليلهن ما ياني نصيبي ..او متى بعرس
يستغربن من هالكلام و يقعدن يقولن ليش مستعيله ….لاحقه ع الهم و لوعه الجبد و توه الناس (مع العلم انهم معرسات وهن صغار ……و يقولون هالكلام لوحده في الثلاثين)
خبروني ليش هالحركات …… انا معاكم انه العرس مسؤوليه و تتغير حياتج كلها ووووو
بس ماله داعي هالكلام صراحه
ساعات اشك اقول يمكن ما يبون حد يحسدهن ع ريايلهم و عايلتهم يقولون هالكلام
لين متي هالحركاااات
مادري بس انا احس صح هالكلام اغلبهن مو مرتاحات وفي منهن ما توفقوا في زواجهم فيغارون لان انتي بتكونين احسن عنهم في كم وحده صادفتهن جي
اغلب مواضيعكن احين يقهروني المعرسات طفت على جم موضوع نفس العباره
ياختي قالن ولا مقالن ماتفرق وكلن بياخذ نصيبه مايحتااي كل هالمواضيع
ولو كل وحده مقهوره من المعرسات يت وكتبت موضوع مابنخلص ف طوفن لاتتحسسن من اقل شي
يمكن هذا اسلوب البعض يعني ما تبا البنت العزوبية اللي جدامها تتحسس
غريبه الصراحه بذمتج يعني شو تبين الوحده تقولها روحي دوري ريال ؟
اكيد لمرعاه شعورها وعلشان مااتفكر في الشي الي يضايقها ويحزنها لانها لو مب متضايقه مافكرت في هلاكلام ؟
ويعني راح تموت الوحده لو ماتزوجت !
لا حبيبتي اسومة مب جي السالفة
بس تدرين يعني لو الوحدة انحطت في هالوضع شو بتقول ؟؟ بعد مو حلوة تتكلم عن سعادتها في حياتها ووناستها جي ممكن الثانية تتضايق ..
وبعد هالرد (لاحقة عالهم) مو حلو مثل ما قلتي .. يعني ممكن انسب رد في هالحالة انها تدعيلها بالزوج الصالح و تفرح فيها عن قريب
المشاركة الأصلية كتبت بواسطة تسونامي 
اكيد لمرعاه شعورها وعلشان مااتفكر في الشي الي يضايقها ويحزنها لانها لو مب متضايقه مافكرت في هلاكلام ؟
ويعني راح تموت الوحده لو ماتزوجت !
ههههههههه اختي تسونامي بلاج كلتي البنية صايرة تسونامي صج اليوم.. هدي الغالية اصبحنا و اصبح الملك لله… احلى صباح لعيونج