حياكم الله بنات
انا جنبي مسجد وابغي اسير اصلي فيه بس ما اعرف هل يذهبن البنات للمساجد خصوصا هنا بالعين
غريبة بالعين وابغي اسير اصلي في المسجد بس ما ادري هل في حريم او ما في
هلا الغالية
بصراحة ماعندي فكرة بس إنتي تقدرين تتخبرين راعي المسجد
إذا في مكاان للحريم لصلاة الجمعة ..
الغالية صلي في البيت اخير لج عن المشاكل يمكن تقولين شو المشكله
مرة سمعت في الرادو وحدة اتصلت حق المطوع وقالت دوم اتصلي
في المسيد ومرة تأخرت على الصلاة المهم وهي اتصلي في المسيد
دخل عليها " بتاني " وخذ اللي بغا ة الله يستر علينا .
انا ما بفتي لكن صلاة الحرمة في البيت افضل لها …
هيه صح كلامك والله
والله بس المسجد جنب سكني وابغي احضر اصلي فيه بس ما اشوف حريم يروحون فقلت اسال واعرف خير صلاة المرة في بيتها وبارك الله فيكم
كم مرة ريلي يقولي تعال صلي الجمعة ……….. بس بعدين يرجع ويقول لا ………. اخاف حد يدخل عليج المسجد وانتي بروحج .
صح والله شفت حريم رايحين بس قليل قليل والله احسن شي الواحدة تصلي ببيتها مستورة محفوظة وبارك الله فيك اختي روزس بو ظبي واختي الاترجة
نسال الله ان يتقبل منا وان يلزمنا الستر
انا ما اصلي في المسجد بس الحريم اللي في منطقتنا يصلن في المسجد عاادي، لان عددهن كبير ماشاء الله، ويصلون صلاة الفجر + العشاء يوميا وصلاة الجمعه بالمسجد، بس الظهر والعصر والمغرب لا في البيت ^_^