نصائح ماي براند اثناء اختيار العبايه

اهم شي عندي هو الراحه والثقه والرضاء بالشكل العام

وهذي ال٣ اشياء مانحصل عليها الا لو حطينا بين قوسين عباره " متى و وين "

يعني متى نلبس هالعبايه
و وين المكان المناسب لها

اولا
انا ماحب ابدا ابدا ابدا موضه العبايات الي كاني جاره كيس حجم التوفير معاي هههههههه ابدا مب مريحه وفكره هالعبايات بعض المحلات مع احترامي الشديد يعني يبون يوفرون اي شي فري سايز ومب مهم الشكل العام

ثانيا
جسمج << حطوا تحتها عشرين خط >>

اذا كنتي ممتلئه الجسم من البطن والصدر فتجنبي لبس عبايه الحزام لانها بتبرز عيوبج

اختاري كيف تكونين انتي جميله وليس ماهو جميل

اذا كنتي ضعيفه جدا فتجنبي لبس عبايه الحزام لانها بتبرز عيوبج

اذا كنتي تعانين من كبر حجم الصدر اختاري العبايات المشغوله من الاسفل وتكون ساده من فوق ، ابرزي الحاشيه في الموديل

لون البشره وانتقاء لون العبايه مهم جدا

طريقه المكياج مهمه جدا في وتلعب دور كبير في جمال المظهر العام

تجنبي وضع احمر شفاه لون اورنج وكعب وشنطه اورنج ومناكير اورنج وتتحولين ميراندا ههههههههه

لو العبايه فيها شغل اورنج حطي مناكير فرنش + لون روج يكون بيج وبلاش يكون لونه اورنج وبتكونين اروع

التكمله …………….

بكمل لكم بعدين

ولا موضه التطقيم مال اوووووووووووول الحين محد يطقم مب شرط النعال والميك اب والشنطه والعباه نفس اللون

مايلبسن عبابات تناسبهن ,,,, يعني في عبايات ماتناسب المتان وفي عبايات ماتناسب الضعاف …

انا اصلا من زمان ما احب الالوان في العبي الا مره وحدة سويتها حق السفر وهي كانت على ايام اول عباية الستريتج يوم كانت موضة
بس ابدا ابدا مب حلوة >.<

يعني انا بضيف شي سواء وحدة ضعيفة ولا مليانه الشغل الاسود يناسب كل الاجسام
و الاحلى انها ماتكون اوفر يعني

انا يوم افصل عبي شغل اسود يوم ايي البس الشوز ولا احط بعض الاكسسوارات شنط او كلاتشز وااااايد يطلع احلى

اتخيلي انتي تلبسين عباة ملونه مثلا وحاطة هالاشياء شوي بيعطي اللوك دفششششش

هاذا رايي و حبيت ازيد ع كلامج