السلام عليكم ورحمة الله وبركاته…
انا وايد خايفة ومحتارة وما لي غيركم بعد الله ، الدكتورة قالتلي إن التبويض عندي ضعيف تقريبا 1 واعطتني كلوميد مرة ومرتين ونسبة الهرمون ما تزيد نفس ما هي عليه 1 ، الحمد لله على كل حال ما ادري شو السالفة ؟؟ وايد خايفة وحابة طمنوني في وحدة كان عندها التبويض ضعيف وحملت ولا الحمل صعب في هالحالة ؟؟ ونسبة التبويض الطبيعية كم لازم تكون؟؟؟ وهل تأخر الدورة وايد له علاقة بضعف التبويض؟؟
والسموحة اذا ثقلت عليكم بالاسئلة
الله يرزقج ياربي
والله ما اعرف
بس حبيت ادعيلج وادعي لعمري
ان الله يرزقنا الذرية الصحاله
ربي لا تذرني فرداً وانته خير الوارثين
الغالية نسبة التبةبيض تتراوح بين 18و20 وتكون مناسبة لتلقيح بس اعرف اذا الكلوميد ماياب اي فايدة في طريقة الابر المنشطة مفعولها باذن الله ايجابي وانا كنت مثلج بس الابر كانت لها مفعول عندي توكلي على الله ونشاءالله يرزقج بالذرية الصالحة
والله انا ما بعرف نسبة التبويض كم لازم تكون
بس حجم البويضة 18 او 20 بيكون كويس
عموما في منشطات ابر انا اخذتها
وربنا يسهل عليكي ويفرحك يا رب
يا حبيبتي لا اتحاتين وايد حريم حملو يوم خذو كلوميد لان زين حق التبويض وفيه ابر بعد الحين منشطه حق التبويض و نفس ما قالن خواتي حجم البويضه حق التلقيح لازم يكون 18 الى 20 و ان شا الله كل خير فديتج اتوكلي على الله اذا التبويض عندج ضعيف وان شاالله بتحملين الانسان لازم ياخذ بالاسباب و سبحان الله يمكن هذاسبب تأخر حملج.. اتوكلي على الله الدكتورة ادرى منا كلنا,, و الله يرزقج عاجلا ليس آجلا و يرزقني وياج و يرزق كل صبورة يا رب..
الله يعينج ويساعدج ويرزقج ان شا ءالله بالذريه الصالحه ان شاءالله
حبيت افيدج في شي :
مره قريت في منتدى والله ماذكره الصراحه … وحده كان عندها التبويض ضعيف
قامت تشرب ميراميه من ثـــاني يوم في الدورة .. وفي اليوم تقريبا كانت تشرب من مرتين الى ثلاث
اللين اليوم العاشر بس … كانت تيب كوب وتحط فيه مراميه اشوي وتصب عليه ماي مغلي وتغطيه وليما يدفى
تشربه … ولما راحت للدكتورة وكشفت عليها أيام التبويض لقت البويضة قياسها 20 … هذا كلام الاخت اللي جربت
حبيت انقل لج تجربتها …… واايد من البنات يقولون ان الميراميه وايد زينه .. والله يرزق الجميع بالذرية الصالحه ان
شاءالله .. وبعد خذي فيتامين إي E … يقولن بعد زين للخصوبه .. بتحصلينه في الصيدلية بس فيتامين E ابروحه مو مع اي فيتامين ثاني
يساعد على نضوج البويضه في المبيض ويعطي بويضه سليمه
نسيت احكيلك انه القرفة بشكل مستمر من ثاني يوم الدورة الى بعد الدورة بخمس ايام تشربيها كل يوم 3 اكواب بترفع التبويض وبتنظف الرحم من كل الاوساخ وبتقضي عى الالتهاب
هذا سمعته على التلفزيون من طبيب
والله يكون معك ويرزقك