السلام عليكم خواتي..
انا انشاللله رايحه ابوظبي زياره عمل لمده 5 ايام بعد اسبوعين..
بصراحه هذي اول مره اروحها في حياتي… دبي ادلها.. بس بوظبي .. مييييييح ماعرف شي..
حبيت تفيدوني وين احسن المجمعات والمحلات التجاريه اللي الواحد لين راح بوظبي لازم يروحها؟؟
اهم شي عندي محلات فساتين للمناسبات.. عندي عرس الشهر الجاي انشالله..
ابي الاشياء البسيطه والراقيه.. سمعت عن محل البوشيه والطائر الأخضر!!
ايش في غيرهم؟
ولمحلات العبي وين اروح؟؟
وغيرها من اماكن التسوق.. مابي الاماكن المكرره في كل مجمع وبلاد نفس زارا وبرمود.. ابي البوتيكات والمحلات الغريبه اللي ماينوجد منها الا في ابوظبي..
اتمنى انكم تقدرون تساعدوني..
مشتطه بروحي بوظبي.. مع اني مادل فيها 
هلا حبيبتي انشالله تكون رحلتج لابوظبي موفقه
محل فساتين عندج في فتوح الخير محل حلو نسيت اسمه
اما العبي فالخالدية شكثر محلات وربي يوفقج
حيااج الغالية
و ان شا الله بنات بوظبي يفيدوونج
مولات بوظبي قليله واحسنها
المارينا مول
وبوظبي مول
تبين فساتين عندنا شارع خليفه فيه اكثر من محل للفساتين ومن بين هالمحلات محل عبي اسمه فيرا دونا موديلاته حلوه واما باقي محلات العبي بتحصلينهن في منطقة الخالديه
عندنا محل ارابيسك للعبي في بوظبي مول ولا رين
وفي مجمع اسمه فتوح الخير فيه محلات فساتين بعد
الطائر الاخضر فساتينه ماتصلح للعرسات لان وايد سمبل
دبي فيها محلات اكثر من بوظبي
شكرا عزيزاتي… مياااار – المؤمنه دائما – 3lya
يعطيكم العافيه انشالله..
بالنسبه للفساتين انا فعلا ادور الفساتين السمبل الراقيه.. ماحب الاشيا اللي مليانه شغل..
ياريت تفيدوني باسماء المحلات في المناظق اللي انذكرت
وشكرا
حبوبه ابصراااحه عندج الي في شارع الكورنيش … بتحصلين بوتيكات … هالاشياا الجاهزه فساتين سمبل
كنت بخبرج بعد عن وحده اتييب فساتين من لبنان بس اشيااا رااقيه واايد … بس هاي في بيت
وع العبي مثل ماكتبلج الاخوات في الخالديه حسين خنجي عندج حلووو
وصح شي بعد محل فساتين في المهيري سنتر
شارع خليفه في بوتيكات في كل الموديلات من السمبل الى الدفش