السلام عليكم والرحمه
شحالكم خواتي عساكم بخير
خواتي بغيت اسالكم،، كيف اعرف انا في اي اسبوع حامل؟
اخر دورة لي كانت ب 14 شهر مايو
سرت عند نورميلا قالت لي انتي ف الاسبوع الثامن بس الجنين مافيه نبض ونصحتني اوقف الدوا لانه مبين اجهاض
سرت عند احلام قالت انتي ف الاسبوع السادس!!! وقالت مافيه نبض وبعد لازم يطيح
ف اي اسبوع ينبض قلب الجنين؟ اذا ف الاسبوع الثامن مب لازم اتريا اسبوعين على حساب احلام؟
اتمنى تردون علي خواتي
انا بتريا اسبوع وبرجع اسوي سونار
مشكورين مقدما
الله يسر امورج حبيبتي انا اقول اصبري اصلا اذا مافي نبض اصلا الجسم يرفضه ويطيح بس يبي وقت مافي داعي لدوا ولا غيره غير جي في ناس قالو لهم نفس الكبام وسبحان الله طلع البيبي مافيه شي والحمد لله فاصبري اختي احسن وكلي امرج لله والي فيه خير الله يسره لج
ماعندي خبره سيري مستشى صقر
روحي مستشفى الحين و شوفي نتيجة تحليل الدم
و بالنسبة للنبض يبان من الاسبوع السادس للثامن
الله يسر امرج يا رب
مشكورين خواتي عالرد
بس ممكن وحده تحسب لي انا في اي اسبوع؟
ومتى تبدا الحسبه من اول يوم اخر دوره والا ايام التبويض
الله يثبت حملج الغالية
أسبوع حملج ما نقدر نحسبه نحن بس من تاريخ آخر دوره لج ،،الدكاترة ومواقع إلنت يحسبونها ب تاريخ آخر دوره لكن مع تطور الحمل ونموه يتحدد بالضبط لان الإباضه تختلف من حرمه للثانية ،، أنا من رأيي اصبري وأدعي ربج وهاي روح إذا الله كاتب تعيش وسطكم ويعطيج ربي ياها أمانه بتعيش بإذن الله
الله يطمن قلبج و يتمم لج على خير ،، طمنينا
اقصد من مع تطور الحمل يتحدد بالسونار يوم يشوفون حجمه وجذه