السلام عليكم ورحمة الله وبركاته
موضوعي عن الشبكة والمهر .. اتمنى بنات دبي والشارجة وعيمان يردون
ياريت بس اللي عندها خبره ومن هالسنه اترد لان كل سنه يختلف الحال .
.
المهم الموضوع موضوع وحدة من الاهل .. سارو يخطبون البنت واتضح انهم يبون زهاب الدنيا وزهاب توزيع حق اهلهم وفلوس حق الام عسب انها تعبت عالبنت .. غريب امرهم .. ويبون الذهب بالعدد اكثر 
صعبه الصراحة .. وخلاص ما يبون البنت اللي شافوها لانهم فوق الطاقه يبون .. مع ان الولد جامعي حليو وصغير وريال الكل يتشهد بطيبته واخلاقه 
الحينه البنت اتشاورني .. ونا الصراحة ماعرف لهالامور وايد فقلت خلينا اشاور بنات المنتدى .. 
واسئلتها هي
هل كل امارة لهم مهر وشبكه معينه لانه يقولون اهل دبي يطلبون غير عن اهل الشارجة وغير عن اهل عيمان 
البنت هل من حقها تشترط انها تبا ذهب بالعدد وااايد او اتعيش بيت امها او زهاب حق اهلها قطع ومخورات او بيزات حق امها او مهر عالي فوق طاقه الريال 
البنت تعبت من التفكير تبا تفرح فيه وانحبطت ما حصلت بنت غيرها ويبون غيرها بس مب محصلين للاسف واتخاف تنحرج مره ثانيه .. وما ودها الولد يقرض من البنك .. رغم فيه كل المواصفات البنت اللي تتمناه 
خبروني عن المهر والشبكه والزهاب .. خاصه اهل دبي والشارجة وعيمان لان لهم تفاوت يمكن 
حليلها اتحاتي اتقول كيف جيه البنات يطلبن .. واهلهم وياهم يكسرون ظهر الريال 
قامت اتخاف ما ادور على بنت وشروطها جدام الريال طبعا مب الكل واعرف ان في اهل ما يسوونها ،ومب عارفه منو اللي يراعي الريال ؟؟ الله كريم
اتريا ردودكم .. وتسلمووووووووون عالقرايه ^_
الله المستعان
للرفع
عِنَدَما أَقْرَأُ الرَحِيْلْ ..
لا أَرْغَبُ بـ كِتَابَةِ كَلِمَاتِ الوَداَعْ..
ولَكِنّ الخُرُوجَ بِصَمْت يَبْقَى الأجْمَلُ دَائـِـمَــاً..!!
موفقه
الغالية ما يخصه في الإمارة ..
كل عايلة ولها مذهب وعادات ،، بصراحة انا ما مر عليه حد من معارفنا جيه طلباتهم ..
عرسنا ويوزنا اخواننا ..
بس مثل ماقلتلج كل حد ومذهبه ..
واذا هالشي فوق طاقة الولد مب لازم ياخذها !!
البنات تارسات البلاد ماشاء الله ..
وفي ناس ترضى بالقليل والمعقول ..
مايخصه هالسنة ولاّ السنة اللي طافت عن اللي قلتيه .. انا تحسبت بترمسين عن سعر الزهاب والذهب وجيه ..
ولا يخصه انه من الشارجة او دبي او عيمان .. كل عايلة لها راي وطلب
والبنت يحق لها تشترط وتطلب .. اللي اوله شرط اخره نور ..
واللي ما يناسبه يدور بنية غير
ليش مايتفقو على مبلغ معين البنت يكون مهر البنت وزهابها منه وماعلى الريال غير العشا…
احس احسن
لا حول ولا قوة الا باللّه