ملجتي قريبه و مب مجهزة شي

انا باذن الله ملجتي عقب العيد … وابا اسوي وايد اشياء و ما سويت و لا شي ..
حتى فستان ما خذيت و لا فكرت شو بيكون ثيم القاعه و لا شي.. كل اللي سويته اني حجزت القاعه
احس مب عارفه من وين ابتدي و شو اسوي ؟؟ظ

بنات اذا عندكم اي افكار ساعدوني بليييز احس ابدا ما في وقت ..

اتريا ردودكم

هاتي ورقة وقلم واكتبي فيها كل الأشياء اللي انتي محتاجة تشترينها او تحجزينها أو تسوينها ..

يعني مثال:

الفستان (وحطي ميزانيته: مثلاً 3000 درهم)
ملحقات الفستان مثل النعال وإنتي بكرامة، الباقة وغيره

المكياج والشعر (عند منو بتحجزين وكم الميزانية؟!) عندج هني في القسم لو سويتي بحث بتحصلين وااايد مواضيع عن الماكييرات
الحنا والحلاوة
لو بتسوين فيشل وتنظيف وغيره

بالنسبة للقاعة أحس لا تتعبين عمرج وايد عليها .. خلي كل شي بسيط .. جوفي الفندق شو ممكن يوفر لج .. خلي هالسوالف حق العرس ..

فماعرف المهم حبيبتي الف مبرووك وماعليج صدقيني بتخلصين بيوم واحد انا كنت نفسج اقول ماشي وقت وخلصت كل اموري بيوم