هلا خواتي كنت متردده اكتب سالفتي من 5شهور واحينه حبيت افضفض يمكن ارتاح انا كنت متزوجه واطلقت من زوجي الاول ويبت له عيال وتميت فتره ماتزوجت مب كيفي بس ظروف كانت السبب وتزوجت مره ثانيه بشخص اصغر عني ب15 سنه لاحظت فرق كبير بينه وبين طليقي من ناحيه العلاقه الحميمه يبا بشكل يومي وعلا طول اليوم ماحس اني مرتاحه الا اذا كنت برا البيت حتى من كثر هالشي اسير اي مكان واقوله سرت عند عيالي في بيت ابوهم مليت هالعيشه وافكر بالطلاق بس بيقولي شو السبب وماباه يعرف ان هالشي سبب الطلاق لانه وايد اوكي وياي حنون وطيب وفيه كل صفه حلوة بس هالشي كثره سبب لي الياس والاحباط ومب عارفه شو اقرر اتمنى من كل وحده تقرا موضوعي تدعيلي وتنصحني شو اقرر وبدعيلها دعوه صادفه من قلبي
اختي سمحيلي علا هالكلمه انتي ماعندج سالفه ولا تنسين انج كنتي مطلقه شو بيقولون عند الناس حمدي ربج علا هالنعمه اللي اغلبيت المتزوجات يتمنون ريال شرات ريلج طيبه واخلاق الكل بيحسدج عنه فيه حريم محرومات هالنعمه وانتي يالسه تشتكين لاتخلين الشيطان يلعب براسج وعقب تندمين والله يخليكم ويحببكم لبعض اكثر
كيف اصغر عنج ب ١٥ سنة ؟!؟!
مرحبا اختي
بالاول حابه اقولك مبروك على الزواج الثاني
ثانيا انا صح مو متزوجه بس عندي وجهة نظر اتمنى انها تخفف من معاناتك
يعني من الحياة نسمع قصص ونقرا قصص وكذا تخلينا نقدر نعطي رأينا في العلاقات الزوجية وان كنا مو متزوجات.
انتي قلتي ان كثرة العلاقة الحميمية بينكم تضايقك بصراحه انا الي اقراه هنا بالمنتدى ان كثير بنات عادي ماعندهم مانع هذا معناته ان انتي ماتستمتعي وهالشيء له حل
ممكن ان تتفاهمون ويا بعض على الطريقه حتى انك انتي الي تشتاقي له حتى لو كل يوم.
اما فكرة الطلاق بليز ابدا ماتفكري بيه ابدا ابدا. دام الرجال خلوق ومامقصر معاك كزوج فانتي بنعمه.
وشيء ثاني انا اشوف كل المتزوجات يقولون ان بداية الزواج غير ومع السنوات تتغير العلاقة الحميمية
وانتوا توكم 5 اشهر عيل ماراح يستمر على هالحاله خصوصا انه اصغر منك ب 15 سنه فشكله شاب ومتحمس على العلاقة.
انتي حاولي انك تحبي هالشيء واتمنى من الخوات المتزوجات يفيدوك اكثر حتى لو بالخاص
الحمدالله اختي بالعكس انا جدا فرحانه لك واشوفك بخير احسن من كثير بنات ومشكلتك لها حل والله يسعدكم انتوا الاثنين.
انزين ليش الطلاق ليش ماشي تفاهم
شسالفة ليش عندكم طلاق وزواج لعب
اول مرة اسمع وحدة تبي تطلق عشان ما تبا العلاقة الحميمية
دامه اصغر عنج ب 15 سنة يعني اكيد انتي عمرج في الثلاثينات او اكبر ووحدة بهالعمر المفروض عقليتها تكون اكبر من جي لاتزعلين من كلامي هاللي انا اشوفه
الطلاق مو كلمة سهلة عسب الوحدة تتلفظ فيها او تلجأ له في اي شي صار وماحبته
الطلاق حل لمشاكل مالها حل بين الزوجين بسبب امور كبيرة ومافي مجال لتصليحها
لو ماتبين هالريال وايد بنات بعدهم ماتزوجوا ويتمنون واحد مثله شو رايج تدورين له حرمة ثانية عسب يقسم بينكم هالعلاقة ?
الله يهديكي وييسرلك الحال!!!