شخباركن خواتي ..
انا متزوجه وعندي طفل واحد وعايشه في غرفه في بيت اهل ريلي…كل شي ناخذه حق عمارنا
من مأكل ومشرب ..وام ريلي طيبه لكن بناتها الله يسامحهن يزنن فوق راسها
ويقولن لها خذي منهم كل شهر مصروف ..الام قالت بس تبا 500 نعطيها اياهم
ونحن ما قصرنا عطيناها اياهم عشان الاكل ..
اللهم بس الغدا يكون عليهم والخدامه تغسل وتكوي ثيابنا في الاسبوع مره وحتى الطفل بروحي سادتنه من كل شي .
واذا تأخرنا كم يوم عن بداية الشهر وما عطيناهم.. يذلونا على اللقمه اللي ناكلها
اونه احمدوا ربكم .. الخدامه والاكل ببلاش هذا بس لانا اتأخرنا >>والاكل تراه بس الغدا
والحين يبون يزيدون مصروفهم لين 1000 كل شهر ..ويوم نعطيهم المصرف تشلهن وحده من البنات عن امها وتروح تتشرااغراض لعمرها..بس مب دايما
ووحالتهم الماديه ميسوره وتسمح
,,ما عرف شو اسوي حتى لو عطيتهم المصروف احس ان عينهم على كل شي
آكله حتى لو يبت الاكل من عندي
وريلي ما يقصر اذا حد طلب منه شي يعطيه ..ويسوي اشياء وايد ويقولون شو سوى ؟؟من وراه طبعا يقولون لان جدامه يسون عمارهن ما يخصهم
انا اول مره اشوف عايله جذي
يعني انا وريلي نعتبر من اهل البيت ..الحين احس اني كارهه البيت..
هل ريايلكم يعطون الامهات مصروف كل شهر ؟؟وكم؟
وهل خواته يدخلون في هالشي ؟؟
والسموحه على الاطاله
ابصراحه … أم ريلي ما تطلب منا مصروف ولا خواته
كلمي ريلج انكم تسكنون بروحكم .. لا مذله
انا اشوف انه عادي الصراحه , المفروض عيالها ( من ضمنهم ريلج ) يكونون سند لها حتى لو هي مرتاحه مادياً ..
يعني مب شرط يعطيها وايد , يعطيها اللي يروم عليه ..
يعني واحد من خواني مثلاً يعطيها 600 درهم كل شهر , والثاني 2024 درهم كل شهر , والثالث 1000 درهم كل شهر ,
والبعض مايعطون .. والبعض يعطون بس متقطع .. ع حسب الظروف يعني ..
على الرغم من ان بعضهم معرسين وساكنين في بيوت لحالهم ,
ماتعتبر مذله اذا الام خذت مصروف من عيالها بالعكس لها الحق , يكفي انه ربته وكبرته .. 
اما بخصوص خوات الريل , المفروض ريلج يكون بينهم علاقه وديه .. احس فيه حلقه ناقصه ..
والله يعينج ..
المشاركة الأصلية كتبت بواسطة AD Classic 
يعني مب شرط يعطيها وايد , يعطيها اللي يروم عليه ..
يعني واحد من خواني مثلاً يعطيها 600 درهم كل شهر , والثاني 2024 درهم كل شهر , والثالث 1000 درهم كل شهر ,
والبعض مايعطون .. والبعض يعطون بس متقطع .. ع حسب الظروف يعني ..
على الرغم من ان بعضهم معرسين وساكنين في بيوت لحالهم ,
ماتعتبر مذله اذا الام خذت مصروف من عيالها بالعكس لها الحق , يكفي انه ربته وكبرته ..
اما بخصوص خوات الريل , المفروض ريلج يكون بينهم علاقه وديه .. احس فيه حلقه ناقصه ..
والله يعينج ..
سيمسيم
المشاركة الأصلية كتبت بواسطة AD Classic يعني مب شرط يعطيها وايد , يعطيها اللي يروم عليه ..
يعني واحد من خواني مثلاً يعطيها 600 درهم كل شهر , والثاني 2024 درهم كل شهر , والثالث 1000 درهم كل شهر ,
والبعض مايعطون .. والبعض يعطون بس متقطع .. ع حسب الظروف يعني ..
على الرغم من ان بعضهم معرسين وساكنين في بيوت لحالهم ,
ماتعتبر مذله اذا الام خذت مصروف من عيالها بالعكس لها الحق , يكفي انه ربته وكبرته ..
اما بخصوص خوات الريل , المفروض ريلج يكون بينهم علاقه وديه .. احس فيه حلقه ناقصه ..
والله يعينج ..
بس هيه من كلامها مش معترضه على المصروف
لكن على المذله وعندهم اولا لازم يعطونهم كل شهر
هم ما يقدرون اذا عنده او لا
لازم يعطيهم كل شهر ولا ذلونا على كل شي
وهو وايد زين ويا اهله
وما نقدر نسكن بروحنا
اختي انت فكري بروحج…
لو كنتوا ساكنين في بيت بروحكم..مستحيل 500 او حتى الف اتسد مصاريف البيت…وحتى مصروف البيت لازم يكون جاهز كل اول شهر..ولا منو بيأكلكم ..و بيشربكم ببلاش…
يعني باختصار..انتوا ساكنين في بيت لازم اتساهمون بالمصروف…ولو خدامتهم تخدمكم..لازم تدفعولها نصالراتب على الاقل..
او انكم اتييبون خدامة اتعاونها…
وامه لها حق بالمصروف…امه قدرها غير…وصدقيني الفلوس اللي تروح عليها مب خسارة..بالعكس اذا نيتكم حسنة..الله بيبارك في راتبكم…
والمفروض ريلج ماكان ينتظر منهم يطلبون المصروف…المفروض من نفسه كان يعطيها…مصروف خاص بها ولأغراضها الشخصية…
ومصروف خاص بالبيت والخدامة…
وان شاء الله تتسهل اموركم..واذا في بينج و بين خواته حساسية…اتجاهلي و مع الوقت ان شاء الله بتتقربون من بعض..