أهلين أخواتي …
بغيت أسألكم و بالذات المتزوجات , لو وحده قالت الى زوجها مثلا : انت تحسسني انك قاعد تسوي الشي غصبا عنك , هي ما قالت له يسويه غصب عنه بس تحس بهذا الأحساس , هل هدي الكلمه ( غصبا عنك ) تضايق الزوج , هل تجرحه ؟!!
و فيه وحده تتضايق منها زوجها أكثر من اسبوع ؟!! و اذا كان الزوج تحسس بسبب هاي الكلمه و يحس ان الزوجه المفروض ما تستخدمها , هل يهدء الزوج بعدها بفتره يعني أخليه بروحه لين ما يهدأ , بصراحه أنا ما أحس انها كلمه تجرح و ما قلتها قصدا …
مرحبا اختي يمكن هذي الكلمه بالنسبه لرجل تجرحه وتقلل من قدره
حطي نفسج مكان الزوج
مثلا اذا هو قالج الكلمه شو بيكون شعورج اتجاه ؟
الله يوفقج في حياتج
أكيد ومليون بالميه بتضايجه
يعني حطي نفسج مكانه وحد قالج احسج تسوين هالشي غصبا عنج شو موقفج..؟!!
حاولي بشتى الطرق تراضينه
والله يطرح السكينه والرضى بينكم
بظايقه اكيد .وحاولي تفهمينه انج مب قاصدة تقولينها
الله يوفقج ويسعدج..
ارييييييييييد اصيييييييح
الصراحه بناات انا قلتله بس اقولها بتغلي مثلا ((مش من خاطرك ))
فيقولي حبيببتي اذا مش من خاطري ما بسوي هالشي اساسا وما بجاملج
الصراحه ما احس اضايق لذيك الدرجه يعني لازم العلاقه تنبني على الصراحه واداء الراي لكن يختلف من شخص لشخص اذا كان حساس ويزعل بسرعه
مثلي انااااااااا
لو انا قلت حق ريلي اكيد بيتضايق
لان في رياييل ما يرضون