مساعده في الشباصات

انا تعبت و انا احاول اتعلم طريقة عمل الشباصات و ما عرفت
لو سمحتوا اذا وحده تقدر تساعدني في عمل شباصات للشعر بطريقه مفصله
و سأكون لكم من الشاكرين

فديتج اي شباصات تقصدين الكليبس يعني لان هاي ان شاء الله انها سهلة ,, بس تشترين الكلبس المعدني من اي محل مال ادوات الخياطة وعقب اسهل شي ييبي قماش مثلا مخمل وقصيها مستطيل وخيطي الاطراف عسب يكون مرتب وزميه من النص عسب يطلع شكله شرات الفيونكة وممكن تحطين في النص ورود او فصوص او خرز او ممكن ازرار وممكن تقصين اشكال ورود بس بقاسات مختلفة مثلا 3 وردات وتلزقينها في نص الفيونكة وتبدينها اكيد من الكبيرة للوسط للصغيرة ويتخيطون من الوسط فقط اما الاطراف لا وممكن تنزلين منهم سلاسل من خرز او سلاسل عادية تشترينها من محل ادوات الخياطة ,,

الحين هاي الطريقة تنفع لكل انواع الكليبس اللي تشترينه سادة وانتي عقب تزينين عليه

اما لو قصدج على قباضات الشعر فهاي نفس الشي تشترين القباضات سادة من محلات ادوات الخياطة وعقب تركبين عليها بالصمغ اللي تبينه قماش او فصوص او ورود او خرز او ازرار او سلاسل او شرايط اي شي ممكن يتلزق وبأشكال وانواع وااااااااااااااااااااااايدة وكل الاغراض اكيد من محلات ادوات الخياطة ,,,

ولو ما عرفتي هاتي اي شباصة جاهزة من السوق وحاولي فككيها بطريقة ما تخترب فيها وعقب حاولي ورديها شرات ما كانت قبل بهالطريقة حتى بتتعرفين على طريقة التلزيق اشلون ,,,

والسموحة فديتج لو ما استفدتي من اللي كتبته ,, والله يوفقج وييسر لج الخير ان شاء الله دنيا واخره

@ اختكم في الله @

اختيه

شوفي هالموضوع

فيه طريقة عمل الشباصات شامله ^^

ودعوواتج لي