حبيبتي بغيتج اتسويلي بكج لالمانيا والدول اللي حويلها انتي وذوقج
الرحله مدتها 10 ايام بإذن الله شهر 3 2024 وعدد الاشخاص 3 انا وريلي وبنتي الله يحفظها عمرها 10 شهور وبالنسبه للفنادق افضل الشي الراقي وحلو ومرتب ونظيف طبعا وأكيد 5 نجوم، واحب انوه لج هاذي اول زياره لنا لأوروبا واللي بتكون ع ذوقج وانا واثقه جداً بذوقج عزيزتي.
اتمنى هالمره تردين عليه حبيبتي وجزاج الله خير لأني بعثتلج برسالة قبل وما حصلت رد وأكيد انتي معذوره فديتج اتمنى بس ما تتاخرين لأني حابه ارتب الموضوع من الحينه وشكرا لج كل الشكر غناتي
يسعدلي يومج ختيه
آ آ ما ادري بس انا ما اشجع
لـ ألمانيا والنمسا وسويسرا
هالفتره احس برد وآيد والاماكن
السياحيه اغلبها اوف والطبيعه توو
تبدآ تظهر
ارشح فرنسا و لندن وايطاليا
او اسبانيا هالفتره
هآي نصيحتي لج بحكم
زيارتي ل هالدول
الاخت الدومه ما تقصر
Up up up
أشكركم خواتي ع الردود الطيبه
اذا الجو مب اوكيه شهر ٣ اممم شورايكم في نص شهر ٤
اسمحيلي فديتج انا هالفترة ما احدر المنتدى وايد
شرات ما قالت الدومة شهر 3 احلى تخلينها لندن وباريس
لان الجو باررد ما يساعد على الارياف والمناطق الطبيعية طبعاً بتكون ابرد
خليها 5 ايام لندن و 5 ايام باريس و بتستاانسين ان شاء الله ^^
من لندن لين باريس بالقطار (يورو ستار) وايد قريب و مريح و سرييع .. انا جربته من بروكسل لين لندن
في باريس ارشحلج فندق واروويك Warwick Champs Elysées Hotel في الشانز 4 نجوم موقعه واايد حلو قريب من كل شي و راقي
في لندن فندق ذا كمبرلاند The Cumberland – A Guoman Hotel موقعه في زاوية شارع اكسفورد و قريب من الهايد وبارك واجوروود وعنده محطة القطارات و مرتب و راقي بس العيب الوحيد الغرف صغيرة شوي يعني حسب انواعها .. انتي خذي King Room
وبالنسبة للأماكن الحلوة اذا استقريتي بعدين بخبرج ان شاء الله
هلا حبيبتي الغر الحشيم نورتينا
رايج بصراحه وايد حلو وانا وايد فخاطري ازور لندن لكن بصراحه ريلي مب حاب لندن حاب يزور المانيا وحواليها فمادري شورايج بنص شهر ٤ هل الجو في فالفتره مناسب؟
انتظر منج البكج بذوقج