ماكني الا مرتكب ذنـب واخملـت

البارحه مـدري وش اللـي خذانـي
————– يوم اجنبو عني من الضيقه اشملـت

جيـت اتكلـم بـس عيـا لسـانـي
—————– ماكني الا مرتكب ذنـب واخملـت

الله يسامـح مـن ذكـرت ونسانـي
—————– وانا ادري انـي لاذكرتـه تجملـت

عانيـت وادري كـل طيـب يعانـي
———— وعلى حساب طعوني الخضر جاملت

يامـا خـذو منـي ولاحـدٍ عطانـي
————- من طيبتي في حق نفسي تساهلـت

عـزاي لامـنـه تجـهـم زمـانـي
—————– يممـت وجهـي للكريـم وتوسلـت

واللي يبـي قربـي وبعـدي لقانـي
————– امشي على وضح النقـا ماتختلـت

مرات احس انك معي شخـص ثانـي
————- ومرات احس انك حبيبي ومازلـت

لاتفرح انـك دجـت بيـن المحانـي
—————- لـو ماتخـون الذاكـره ماتسللـت

عشان ماضيـك الجميـل وعشانـي
———— حاول تشيل من الوفاء ربع ماشلـت

ماني علـى خبـرك حبيبـي ترانـي
————– حتى عن صغار الامانـي تنازلـت

مـــــنـــــقــــــول
الشـاعـر مـتـعـب الـتـركـي