السلام عليكم
انا انسانه كتومة وايد ماخبر حد شي ابد لكن اهنيه احس بالامان
توني نازلة من التكسي وياي شنطتي ريلي طردني بعد ماضربني طبعا لكن الحمدلله على كل حال تضاربنا بسبة اني طلبت فلوس عندنا عرس هالشهر حمياتي عسى الله يجزاهم الجنة واقفات وياي ودوووم يوقفون وياي اخر مرة حلفوا علي اسير اشتكي على اخوهم لان شوه جسمي بس انا انسانة صبورة وقالولي هالزمن مافيه وحدة تنضرب وتسكت روحي اشتكي عليه خل يوقفونه عند حده لكني مستحيل اسويها وتراضينا بعد ما كلموه حمياتي حس بغلطته وتاسف ورضاني واليوم نفس الشي لكن ماخبرت حد اهلي مش موجودين في البيت عطاني 100 درهم للتكسي وسار عني ويعلم الله اني خبرت راعي التاكسي ما عندي الا 100 واذا صار اكثر من 100 بعطيك تعليقتي الذهب لان بيت اهلي بعيد لكنه كان ولد حلال وتفاهم وضعي
يا ليتني ما تزوجت يا ليتني انولدت امريكية عشان اتطلق منه على طول بدون شماته الناس وفضايح بموووت من الصياح اكتب وانا جسمي يعورني من الضرب لكن بصبر والله بصبر واملي في الله قوي اني اذا صبرت على هالانسان بيرزقني الجنة مابي الدنيا ياربي ابيك تاخذني عندك يارب لا تردني الى ارذل العمر هالمرة ما يخبر حد لا اهلي ولا حمياتي اصدع روسهم وياي وبيجبروني اسير اشتكي عليه وانا ماريد انا كتبت اهنيه عشان تدعون لي اعتبروني اختكم اربيعتكم بنت جيرانكم ادعوولي الله يسخر لي زوجي ويرد لي ويرد لولده ادعو لي ارتاح في هالدنيا ادعولي الله يرزقني بوظيفه عشان افتك من الذل اللي عايشة فيه والله درهم مافي شنطتي الحين شو بقول لاهلي ولدي يبا حليب وحفاظات ومابخبرهم بقولهم يايه عندكم لان بوظبي اجازة وزحمة عشان عيد الاتحاد وريلي مداوم بنات تعبااانه دخيلكم لا تسوون طاف للموضوع ادعولي الله يريح قلبي وفكري وياااارب يتصلون فيني يوم الثلاثا عشان الوظيفة عشان ارتااااااح مابسير لا عرس ولا شي بس ابي ارتاااااح
اللهم الجم فاه زوجها بالف من لا اله الا الله واكتم غضبه ب لا حول ولا قوة الا بالله
اللهم سخر لها زوجها وولدها وابعد عنهم الشيطان
يارب اذا كنت بعيش غي هالعذاب خذني عندك يارب خذني مظلووومة والله مظلومة وصااابره كله يضربني عشان اسباب تافهة
يعل اللي بتدعيلي دعوه صادقه تدخل الجنة هي واهلها يعلها ترتااح في دننيتها واخرتها عسى ربي يرزقها الجنة وكل ما تتمنى
حسبي الله لا اله الا هو عليه توكلت وهو رب العرش العظيم
بسير اصلي العصر صلوا وادعولي
حبيبتي والله ،عورتي قلبي الله يفك كربج ويعوضج الخير ويهديه ويعدل حاله
كيف يضربج يعني لا حول ولا قوه الا بالله هالريال يباله وقفه من عيلتج يبا يتعهد بحسن العشره او بلاه افضل لو تسكتين كل مره يزيد وما يهمه الله يهديه
الصبر جميل بس للصبر حدود و لو هالشي فيه تهلكة و انتي عارفه و تقدرين توقفينه – اذا ماغلطت و ياريت حد يصحح – بتاخذين اثم. وماتوقع عقب كل هالضرب و الذل ١٠٠ درهم!!!!! انا لو قالو بنعطيج ١٠٠ الف بعد مابسكت
ااااااااااااااااااااااااااااااه يا حبيبتي والله قلبي وجعني عليك
بس النفقة مجبور عليها لأنه رب العالمين فرضها عليه
ليش تزوجك اذا كان ما يبيش ينفق عليك وعلى ولده وبيته ؟!!
الصراحة المفروض تخلي اهلك يوقفوه عند حده
او انك تفكري بالطلاق
لأن زوجك شخص عديم المسؤولية و الانسانية
وقعدتك صابرة معاه هذي تهلكة ، وحتى ربي العالمين قال
لا تودوا بأنفسكم للتهلكة ،، حرام ظالمة نفسك معاه
واذا عالجنة باذن الله بتكسبيها برضا ربك و والديك وصالح اعمالك
ربي يرزقنا الجنة جميعا ، اللهم آمين
انا ما سكتت عشان ال ١٠٠ درهم سكتت عشان ولدي وعشان شماته الناس لان الكل كان معارض زواجنا لانه غريب لكن اصرينا سكتت لان ما عندي وظيفة ومحتاجتنه لاني احبه وبيننا عشره وهالشي مب سهل
حبيبتي والله!!!حرام جي محد يرضى بالوضع الي انتي فيه!!! الله يهديه ويحنن قلبه عليج يارب!!!وتحصلين وظيفه تغنيج عن كل حد الا رب العالمين ياربي
يارب يالله انك تفرج هم اختنا العزيزة ولا تريها الذل وتجعلها سعيد ومرتاحة البال وتححن قلب زوجها عليها
اختي الحبيبه اول شي ربي يقويج ويفرجها عليج من وسع بس يا اختي خذيها نصيحه منى لما يروح الاحترام بين الزوجين بالضرب ينتهي الزواج ولا تعملين حساب لاي شي لا لعشره ولا لحب انتي الاهم وبس ولدج دامه صغير ما بيتاثر بشئ فكري بنفسج والكتمان بييبلج المرض لا سمح الله يا اتخبرين اهلج يوقفونه عند حده او تنتظرين حضرته يتمنن ويردج كالعاده ويضربج مره ومرتين لانه عارف انه انتي ما بتخبرين اختاري الوضع اللي تبينه بس لا اتهينين نفسج اكثر لانه بتتحاسبين على ها الاهمال لنفسج وتعذيبها عشان ريال هانت عليه العشره ومد ايده على اللي الله امره يرعاها ويصونها ويكون مسؤول عنها سامحيني بس والله ما ارضاها لج لو انتي اختي وتقبلي مروري وكلامي برحابه صدر وفي النهايه ارد وادعيلج الله ينصرج ويهديه