أبغي حد يساعدني ويشور علي لأني والله احترت وأحس إني ضااااايعة..
هالشهر الدورة يت قبل الموعد بـ 8 أيام وهذا عقب ما وقفت دوا إسمه دوستنكس خاص بهرمون الحليب.. وقبل الزواج كنت مستمرة عليه لأن الدورة كانت تتأخر شوي.. ووقفته من شهر تقريبا
أمس سرت عند الدكتورة وقالتلي (طبعا عقب فحص الدم) إن هرمون الحليب نسبته 17 والطبيعي 24 يعني معتدل عندي،، بس قالتلي آخذ دوستنكس عسب ما يرتفع مرة ثانية ويلخبط الدورة ويؤثر ع الحمل..
واكتشفت بعد إن في هرمون ثاني ما أعرف إسمه مخرب ع البويضات ومكسلنهم مع إن بويضاتي نشيطة.. وهالهرمون مرتفع وايد ومؤثر ع البويضات وقالتلي آخذ دوا إسمه بروجيلوتون لمدة 21 يوم وأراجعها خامس يوم للدورة الشهرية.. وعقب بتتأكد من حجم البويضات !!! ما أعرف ليييييييش
ويمكن ما أحمل هاي الفترة (ع كلامها)
وقالت بعد عندي تكيس في المبايض بس مب وايد الحمدلله..
بس حبيت أعرف أنا استعيلت يوم سرت عند الدكتورة وسويت فحوصات عسب أطمن ع صحتي وأتأكد إن مافيني شي وأقدر أحمل؟؟؟
أنا متزوجة من 3 شهور بس والله خاطري أحمل بسرعة ،، أم ريلي 24 تحن علي وتسألني كل شهر إذا حملت أو لا..وريلي متضااايق وايد وخايف من سالفة الهرمونات.. الحمدلله على كل حال واللهم لا إعتراض بس والله خايفة ما أحمل وعلاجي يطول وااايد وأنا أصلا مب عارفة شو سالفة هرموناتي!!!!!!!!!!
بليز إلي عندها فكرة عن موضوع الهرمونات والأودية إلي وصفتها الدكتورة تفيدني وتقولي أتعالج ولا أتوكل ع الله وأصبر..
الله يرزقني ويرزق كل محرومة يااااارب …
ولا رد!!!!!!!!!!!!!!
هلا حبيبتي
الهرمونات طبعا تاثر بس احين ف الطب مافي شي مستحيل هي بعد ماتشيك حجم البويضات عندج كم بتعطيج العلاج المناسب لاتخافين حبيبتي لانه في منشطات وادوية ثانيه بتساعدج وفي بعضهم يحملون من الشهر الاول من العلاج واكيد بتعطيج فوليك اسيد وكلوميد حتى اساليها ….
انتي توكلي على الله واصبري ترى الصبر زين وان شاء الله خير واذا في اي استفسار عندج اساليني عنه
وعن دوا هرمون الحليب استمري عليه لفترة وبعدها عادي تقطعينه
الله يعينج اختيي…. لاتخافين ولاتحاتين كل شي بيد الله…. انا اعرف وايد بنات من صديقاتي وحتى خواتي يعانون من سوالف لخبطه الهرمونات….بس الحمدلله ويا العلاج كل شي تمام.. حاولي تسيرين عند دكتور مختص في سوالف الهرمونات ولاتنسين تراجعين دكتوره نسا عشان تقرر شو العلاج…
..اما سالفه التكيس ماتاثر على الحمل ولا شي…بس اهم شي تعالجين وتصبرين لانه مافي شي يستوي بسرعه
ووايد بنات اعرفهين فيهن تكيس والحمدلله حملن وربن 
اطمني حبيبتيي وخبرينا عن نتايج فحوصاتج
بس ماقلتيلنا اي هرمون اللي مرتفع غير عن هرمون الحليب… اهم شي انج اتابعين حالتج مع دكتورة متخصصه مثل دكتورة ماريا في حمر عين .. وهي بتقولج اللي لازم تسوينه ..
انا عندي هرمون اف اس اتش المرتفع وهو اللي متحكم في المبايض
انت من 3 شهور ..وانا من شهرين!!
الله يرزقني ويرزقج يا سارونة ويرزق كل محرومة…..
اللهم لا ترثنا أفرادا ورزقنا يا خير الوارثين
هاااااااااااااي سارونه
انا بعد مثلت كان ماتجيني الدوره من شهر وشهر لا ويوم رحت للدكتوره غزوى في مستشفى الامارات الدولي في العين قالتلي عندي للخبطه هرمونات وهرمون الحليب مررتفع وهرمون ثاني توني مسكره منها وقالتلي تعالي يوم الخميس واخذ العلاج بس احسن شي نستمر على العلاج مع الدعاء بالذريه الصالحه
بس ابي اسال فيه احد مثل حالتنا انا وسارونه وكم مده الي قعدوها يتعالجون