السﻻم عليكم ورحمة الله وبركاته ..
اخواتي الله يرضى عليكم ..
انا من السعوديه .. جامعيه وتخصصي بكالوريوس تربيه خاصة اعاقة سمعية .. وحاليا ادرس ماستر ادارة مدرسية .. ولكن عندي رغبه قوية اني اتوظف باﻻمارات اما معلمة في مدارس حكومية او كمعيدة بالجامعة ..وسبق وسجلت على الموقع ولكن الى يومكم لم يتم الرد ..
ابغى اعرف هاﻻجانب شلون توظفوا .. كم مره سالت ومحد اعطاني اجابه وافيه ..انا ماعندي مانع دبي ابو ظبي العين الشارقه عادي
ابغى اعرف الطريقة الصحيحه للتقديم و للتوظيف ..
ثم انا كل سنه اجي اﻻمارات وقريب باذن الله راح اجي فالو فيه تقديم يكون اني اروح لنفس مكان الوظيفه واقدم اوراقي بنفسي كمان مستعده لهالشئ ..
الله يوفق ويسعد الي تبرد قلبي وتعطيني اﻻجابه الوافيه لكل تساؤﻻتي ..وين اتجه وس الخطوات ..؟؟
وعندي استفسار ؟؟
كم الرواتب مع العلم اني ماقد درست يعني ماعندي خبره ..؟
موفقه
للاسف اختي ما اعرف
لكن الافضل تسوين اتصالات مب بس تكتفين بايميل للمواقع
ولو انج مقيمه بالامارات الافضل انج تسيرين لهم شخصياً
والله يكتب لج الخير
وين ما كنتِ
انصحج تدخلين موقع منتدى وظايف الامارات وتاخذين لفه فيه وتشوفين الاقسام وعقب تسجلين وبعدها اكتبي اللي تبينه هناك يقدرون يفيدونج حبيبتي باي شي تبغينه بخصوص الشغل فالامارات ودعواتج لي وموفقه ان شاء الله
حبيبتي اذا ماتقدرين تقدمين اوراقج بنفسك طرشيهم لاي حد تعرفينه في ابوظبي ويروح يقدم في مجلس ابوظبي للتعليم هالفتره طالبين مدرسين تربيه خاصه يعني تخصصج مناسب جداً بس حاولي تقدمين هالفتره لان عندهم تقديم طلبات والله يوفقج
التقديم يكون عبر موقع مجلس ابوظبي للتعليم والي هو تابع لابوظبي والعين والمنطقة الغربية فقط ويكون عبر الموقع في وقت محدد من السنة فقط واتوقع يكون في شهر اربعة يكون في اعلان للتوظيف محددين فيه التخصصات المطلوبة حسب الشواغر أما العمل في بقيت امارات الدولة يكون عبر وزارة التربية والتعليم ,, تتبعي مواقع المجلس والوزارة وبتلاقين اعلان التوظيف , ويفضل أن تكون عندج خبرة وشهادة الايلس ’’ اما الراتب فما سبق والتقيت بمعلمةاو اداريه خليجية أنما غير المواطنات فهم معلمات من مصر أو بلاد الشام وراتب غير المواطنة في حدود 12 الف ,, وبالتوفيق
انتي لج الاولى دامج من دول مجلس التعاون وطالبين وايد هالتخصص والله يوفقج