كيف كان يومج أو شو سويتي يوم عرسج من الصبح لين المساء

طبعا قبل يوم ما ياني رقاد كنت وايد احاتي وكنت وايد خايفه من كل شي يعني من الحفلة بتكون اوكي و لا ومن الكوشه ومن كل شي…..
نشيت الصبح يمكن ساعه 9 وبعدين تريقت وبديت ارتب واجهز اغراضي طبعا كنت مرتبه شنطتي من قبل يومين بس قلت سبحان يمكن ناسيه شي….
ساعه وحده تغدينا… عرسي كان في الماريوت انا واختي الكبيرة وصلنا الفندق ساعه 2:00 قلت حق اختي يالله نسيرنشوف قاعه شو الترتيبات وخاطري كان بعد ابا اشوف الكوشه… اتصلت لمسؤوله ومشرفه وسرت واشوف القاعه معها …. يوم دشيت في القاعة وقلت لا يكون احلم مب مصدقه انه هاليوم عرسي…المهم يوم دخلت شفت كوشتي كل شي كان مرتب واوكي بس بعدهم ما كانوا مرتبين الطاولات والكراسي وقالوا خلاص عقب ساعتين بيخلصون كل شي….قلت خلاص ارتحت ورديت الغرفه….. يوم رديت الكوافيرة كانت تترياني اول شي استشورت شعري وتريت الحرمه الي كانت تمكيجني يت متاخره لانه كان وايد زحمه في شارع….ساعه 6:00 يوا مال الفرقه ورتبوا كل شي……………. ساعه 7:00 اهلي كلهم وصلواوسارواالقاعه… أول شي اتمكيجت اختي…. على ساعه 7 بديت اتمكيج والحمدلله خلصت ساعه ثمانيه ونص وعقب سويت لي شعري يعني الحمدلله خلصت كل شي ساعه 9:00 ويت المصوره وصورتني كم من صوره قبل ما انزل في القاعه….ساعه 10:30 نزلت في القاعه ودخلت حسيت بالخوف والارتباك شوي وبعدين خلاص الحمدلله يوم يلت في الكوشه ارتحت…..ساعه 11:30 دخل المعرس وتمينا لين ساعه وحده وعقب زفونا….
تمننا نتصور لين ساعه وحده نصف…. الحمدلله هاليوم عدت خير….

الحين دوركم كل وحده معرسه تقول لي عن يوم عرسها….

انا عرسي عقب 4 اياااام.. والله رقاااد مب عااارفه ارقد!!! كله احس بتوتر وخوف.. وكل تفكيري كيف بمشي على الكوشة والناس يشوفوني !!!! من كثر ما افكر.. احلم بالعرس على شكل اضغاث احلاااام .. ياربي ان شااااء الله باذن الله يعدي يوم عرسي على خييييييييييير.. وبخبركم شو بيصير باذن الله