شخباركم خواتي
أنا أمي تعبانه شوي (( مريضه )) وأختي متزوجه يعني بيتنا كله أولاد وبنت صغيره عمرها 14 سنه
أنا ساكنه فبيت أهل ريلي الحمدلله طيبين
ابا أعرف هل أقدر أعتمد على عمري بعد الولاده يعني أرد البيت وأهتم بعمري والبيبي خاصة أنه أول حمل لي
كيف بتكون نفسيتي وكيف بتكون حالتي الله أعلم بس أحس أني محتاجه مسانده مب بس من ناحية الإهتمام من الناحية النفسيه بعد
ما أدري صح أهل الريل فبعض الأحيان ما يقصرون بس بعد الأهل غير صح ولا غلط
ما أدري هل النفاس فتره صعبه مثل ما أسمع ولا عاديه ما تخوف أحس عمري مكتأبه ما أدري كيف بيكون نظامي وبسير عند منو فهالفتره
أفييييييييدوني يزاكم الله خير
الله يكون في عونج بس لو اهل ريلج زينين خليج عندهم لان امج حرام تعبانه تبا حد يساعدها مب هي تساعدج
إلا في حاله وحده إذا اختج تروم تبات في بيت امج اسبوع على الاقل تهتم فيج هي تمي في بيت اهلج
الله يسهل عليج
أهم شي أختي ثقي بقدرتج انج ترومين تهتمين لعمرج وللنونو بدون مساعده…
انا كنت توني منتقله بيت بروحي وأهل ريلي يكرهوني وأمه الله يرحمها…
وبيت اهلي مافي مكان أيلس فيه والدنيا مزحووومه ومو عارفين شانسوي فيه…وأصلا ما في مكان ارقد فيه
فيلست بروحي في بيتي وكنت والده قيصري وتوكلت على ربي ويلست استغفر دوووووووووم والحمد لله رمت اني أجابل ولدي وريلي والبيت والزوار والحمد لله أحس هالشي قوي علاقه ريلي بولده لدرجه انه للحين يعايرني انه هو اللي يسبحه من انولد لليوم…هههه
توكلي وربج وياج…
زوجة المرشدي
يزاج الله خير عزيزتي .. إن شاء الله أحصل حد يجابلني عالأقل أول فتره
أنا أعرف أن أهلي بيكونون وياي بس أنا خايفه ما أدري كيف بتكون الأوضاع بعدين
أم شموتي
ماشاء الله الله يخليكم لبعض يااارب وبعض الريايل يحليلهم ما يقصرون الله يحفظه لج إن شاء الله ويسهل عليج ولادتج آميين
يزاااااااج على خير على ذكر تجربتج إن شاء الله بتم فالإستغفار والله بيقويني
مشكلتي مثل مشكلتج بالضبط حتى بيت أهلي ما فيه مكان زحممة
حبيبتي انتي ساعدي نفسج والله بيوفقج ان شاء الله لاتشيلين هم وفتره وبتعدي وفي نفس الوقت اهتمي في نفسج لا تشيلين ثقيل ولا ترهقين نفسج حاولي قد ما تقدرين تكونين متمدده ومرتاحه
فيه اشياء الحريم لكبار يفهموها لازم تكون عندج وحده كبير ع اقل تيج مرات شوف البيبي وتعطيج نصايح
انا بكر عمتي وايد ساعدتني في امور انا ما اعرفه
الله يسهل عليج الغالية و يقومج بخير وسهالة انتي والنونو
والله يشفي الوالده ويطول بعمرها ان شاء الله
توكلي على ربج وان شاء الله بتتيسر الامور بإذن رب العالمين
و ان احتجتي اي شي اتصلي على اختج و لا حمياتج او عمتج اكيد ما بيقصرون اكيد بيكونون فرحانين بالنونو
والله يسهل على كل حامل حملها و ولادتها و يقومها هي والنونو بخير وسهالة