كيف الحرمة ترضى ريلها يطلع من البيت على هالحالة ؟؟؟

شخباركن خواتي ..؟؟

كل عام و انتن بخير بمناسبة شهر رمضان الفضيل ..

موضوعي اليوم هو .. الحريم و ملابس رياييلهن ..

يعني بصراحة انا استغرب يوم ريلي يسولفلي عن دريسات ربعه في الدوام

يقولي : اتصدقين ،، كأن الريال شال دريسه من عالحبل و لابسنه بدون كوي

يعني معقولة في حريم جي .. لا تقولن يمكن عالريال مب معرس .. في رياييل معرسين

و حريمهن يتكشخن كشخة .. و ازقرتيات ..

و يوم تشوفين ريلها .. الكندورة متقرفصة و مب مكواية كأنها طالعة من حلج الكلب -عزكم الله – .. و بعض الاحيان الغترة في حالة يرثى لها ..

ليش جي ..؟؟؟ يعني الحرمة ما عندها وقت تكوي دريس و ملابس ريلها و اتدخن ملابسه ..

اللي بتقول ما عندي وقت الصبح .. اجابل نفسي و لا اجابل عيالي و لا اجابل ريلي
اقوللها .. مب شرط تسوين هالشغلات الصبح .. تقدرين قبل عن ترقدين تكوين و اتدخنين و اتعطرين بعد ..

و اللي عندها خدامة … شو خانة الخدامة .. عطيها اللبس .. و خليها تكوي و تبخر الملابس ..

ترى اغلب الناس اللي يتشوف ريلج على هالحالة .. بتقول جي ما عنده حرمة .. و كيف رضت الحرمة ان ريلها يطلع على هالحالة ,, ما بيقولون والله الريال مهمل ..

و اللي مب معرسين .. ترى يودون ملابسهم الدوبي ( اللاندري ) بس هذا ما يمنع ان الاخت تخدم اخوها ..

خواتي .. انا ما عقيت لومي على الحرمة اللي ما تقدر ,, تراني وظحت ..
الحرمة اللي ما تقدر تسوي هالاشياء ,, تقدر تتصرف بطريقة ثانية ..
انا ألوم الحريم اللي عندهم وقت و فاظيات و ما يسوون هالاشياء ..
و انا يوم اتكلمت عن هالموضوع .. اتكلمت عن شي واقعي شايفتنه بعيني
من غير كلام ريلي اللي قالي إياه ..
و السموحة على الاطالة ..

خخخخخ

من يومها استحيت على ويهي ^_^ قلت في خاطري صح والله بيقولون حرمته ما تعرف شي ووصخة….

الله يهدي الكل