مرحباااا ربااات البيوت
طبعااا انا عيزت من كثر ما ادخن الغرفه الريحه ماتثبت عندي مووول لدرجة كرهت اني ادخن غرفتي الحين بس اعطرهااا
ابي طريقة عشاااان الريحه عندي تثبت لاتقولون دخني الستاره ولا الفرااااش ماشي فايدة حاولت
شو نوع الدخون اللي تستخدمونه ؟
حتى انا ابغي اعرف
امممم عني
عقب ما انظف غرفي واكنسها واغسل ارضيتها بس ما امسح الارضية لين تنشف لا اخلي فيها رطوبة عقب اييب المدخن واحط فيه يا البخور أو العود المعطر إلي يا في مزاجي وافتح كل بيبان الكبتات وحتى الدروج وابدا بالستارة -والفراش اكتفي بمعطر الفراش- و المكيف امبند طبعاً . عقب اظهر من الغرفة واسكر الباب.
وأرد عقب 10 دقايق أو ربع ساعة واشغل المكيف واسكر البيبان و الدروج و اخلي الجمر لين يموت -يعني تروح حرارته.
طبعاً ها كله اسويه أول ما يسير الريال الشغل.
أول ما سكنت ببيتي كنت كل يوم ادخن وابخر …
بس ألحين عقب ما مرت كمن سنة احس البيت صار يمسك الريح اطول يعني عادي يومين اتم الغرف بريح البخور .
وهذي تجربتي
والسموحة
اذا سيراميك مابتثبت نفس الغرفه المفروشه..
أنا يوم كانت حجرتي مفروشه عقب التنظيف بالمكينه وتبديل الشراشف وتنظيف الغبار اللي فالغرفه كنت اييب كولونيا ريفدور وارش منه على زوايا الغرفه على الفراش يعني اصبه صب فالزوايا وعقب ادخن الغرفه بلبان وعقب اللبان اشغل المكيف وأحط أحلى دخون عندي اللي هو راقيه من الرصاصي رووووعه للغرفه
وهاي صورة الكولونيا وعلى فكره ساعات ارشه على الشراشف ريحته معااااريس
وإن شاء الله أكون أفدتج…
[/COLOR]
شوفي الريحه ما تثبت اذا الغرفه مب نظيفه عدل
هاي قاعده
لازم ارضيه الغرفه تكون ممسوحه من الغبار و بالديتول او اي مطهر للارضيات ريحته تكون حلوه.
و اتسكرين المكيف و تفتحين الدريشه تتهوى الحجره و انتي تنظفين
سكري الدرايش و ابدي دخني و خلي الدخون على الارض لا تمشين فيه في الحجره
خليه في السنتر و الدخون روحه بينتشر في الغرفه
و لا تخلين الدخون يحترق
بس خمس دقايق لانه اذا احترق الدخون كأنج ما سويتي شي
و بس
هاي طريقتي و الحمدلله غرفتي تمسك الريحه
مثل ماقالن الخوات
المشاركة الأصلية كتبت بواسطة فجر الإمارات 
عقب ما انظف غرفي واكنسها واغسل ارضيتها بس ما امسح الارضية لين تنشف لا اخلي فيها رطوبة عقب اييب المدخن واحط فيه يا البخور أو العود المعطر إلي يا في مزاجي وافتح كل بيبان الكبتات وحتى الدروج وابدا بالستارة -والفراش اكتفي بمعطر الفراش- و المكيف امبند طبعاً . عقب اظهر من الغرفة واسكر الباب.
وأرد عقب 10 دقايق أو ربع ساعة واشغل المكيف واسكر البيبان و الدروج و اخلي الجمر لين يموت -يعني تروح حرارته.
طبعاً ها كله اسويه أول ما يسير الريال الشغل.
أول ما سكنت ببيتي كنت كل يوم ادخن وابخر …
بس ألحين عقب ما مرت كمن سنة احس البيت صار يمسك الريح اطول يعني عادي يومين اتم الغرف بريح البخور .
وهذي تجربتي
والسموحة
وانا بالعكس افتح المكيف شو هالمخ