قصه ولادة الدلوعه .فديتها

اشحالكم كروشات؟؟

اليوم كنت فاضيه وقلت بحط لكم قصه ولادتي
لاني وعدتكم^^

بـــــــــــــــــــــســـــــــــــــــم الــلهـ

كل اللي يدخل قسم الحمل والولادة اكيد قرأ مواضيعي عن الاعراض اللي كانت اتيني
بـ آخر الشهر الثامن

وكنتوا تقولون هذا من اعراض الحمل وتاريخ 1911 سرت المستشفى
لاني سمعت نصيحتكم وحسيت بعوار ولما جيكت الدكتورة قالت 1سانتي
وانا سكت وما قلت شي وعقب شوي قالت نــووو نــووو 2 سانتي
وانا ابتسمت ابتسامه عريضه حتى الدكتورة البريطانيه ضحكت

وبعدها حطوا لي تخطيط وكان مب منتظم وعقب 3ساعات قالت
الدكتورة اذا تبغين اتمين بالمستشفى تمي واذا بتظهرين احسن لج بوايد
عشان تتمشين وتسوي رياضه كيجل ومن هالسوالف…………

بعد ما طلعت من المستشفى وداني بو الشباب اتعشى وعقب نتمشى ع الكورنيش
وانا كنت شويه تعبانه وهو يالله ياله يشجعني ويمسك ايدي ويسحبني وياه
وانا ساكته لانه كان فيني عوار خفيف….وبعدها ردينا البيت

واليوم الثاني سار الدوام ورد عقبها بيومين وانا بــ هاليومين ايني عوارخفيف
وافرازات بنيه مايل على لون الدم تقريبا وهو يقول تحملي واذا مب رايمه سيري المستشفى

وانا تحملت ولما رد من الدوام كالعادة يجابل حلاله الهوش والطيور و……………
لانه رحنا عندنا مزرعه وساكنين فيه مع اهل ريلي عمتي ماطاعت تيلس ف راك
عشان اهل عمي وبغت تسير بعيدة عنهم ..وريلي فديته مخلي المزرعه حديقه حيوانات
ماشاء الله……ماشاء الله…..لا اله الا الله والله اكبر واعظم
والظهر رقد واتغدى وسار مره ثانيه جابل الهوش وبالليل كان بيسير القهوة وقلتله بسير بيتنا
وطلعنا وقعدت ف بيتنا وسوافت ويا خواني وخواتي ويلسو يرمسون عني ومن صوب حميتي فديتها
مقهورة لانها ما تحب اسير بيتنا واخليها وهي واختي يتضاربون انا بكون وياها وقت الولادة..لا انا لا انا

وتعرفون انتو بعد سوالف البنات المهم عشان ما اطول
وعقب 3 ايام سرنا دبي انا وريلي وحميتي وحميي(اخو ريلي الصغير))
وهم طول الوقت يقولون تخيلي تربين ف دبي وما اعرف شوو

وعقبها سرنا الشارجه سوق الهوش وكان زحمه عشان الناس يشترون اضحيه العيد
وانا وحميتي بالسيارة ولايع جبدنا من ريحه الهوش وعقبها ب ساعتين قلت لريلي ابغي
اسير كورنيش الشارجه عشان اتمشى وكنت انا باول الشهر التاسع وصدق مشيت ع الرمل
حتى ريلي وحميتي وحميي يتقاسمون الدور عشان يمشون وياي بالاول ريلي عقب حميتي وحميي
وعقب شويه بروحي وبعدين بو الشباب كمل الدور…لين ما قال بس خلاص بتربين اهني ماشاء الله عليج…وانا اضحك عليهم…وفالرده وقفنا مطعم ونزلنا واعشينا وكليت كليت لين ما قلت بس ماشاء الله علي..^^وطلعنا وكل واحد بيموت من التعب وقلت لريلي ودني بيت ابوي عشان اختي كانت تبا شي مني
ويقول لاا بيتكم بعيد وايد والحين بيستوي نص الليل بعد باجر لما بيي من الدوام بوديج اقوله لاالاا
الحين ورحت بيت ابوي ونزلت عطيت لاختي اللي كانت تبا وقالت سبحان الله توه كانو يرمسون عني انه متى بربي واخوي حالم اني بربي قبل موعدي ويقولون لي شوفيج تعبانه اقولهم فيني رقاد وتعبت من السيره والرده…وردينا البيت الساعه 12بالليل وكل واحد سار يحط راسه وينخمد من التعب
وانا سرت احط اغراض بو الشباب عشان عنده دوام وزهبته وخلصت سرت الحمام تغسلت وفرشت
اسناني واتمددت على الفراش الساعه 1 و40 دقيقه رقدت ربع ساعه واحس بشي ينزل علي من تحت
اوانا فيني رقاد اقوول انا ما جامعت بو الشباب اليوم شو ها؟؟ اللي ينزل ولما حطيت ايدي شفت مثل ماي ما استوعبت اول شي وبعدين نشيت شغلت الليت وانا اتنافض من البرودة والخوف اقول حبيبي
وهو راقد حبيبي وهو هـمممم اقوله نش ينزل علي ماي وفتح عيونه شووو..اقوله ماي

وبعدين………………….

يــتـــبـــع