السلام عليكن خواتي
اشحالكن عساكن بخير
بدش فالموضوع على طول
انا الحينه ف نص الشهر الثامن وعندي سكري وانا فاتحه ملف بمستشفى الكورنيش ..المهم انا رحت عياده خارجيه اطمن عالبيبي قالت لي جنينج وزنه زياده وراسه كبير خليهم يسوون لج قيصريه ،، انا افضل القيصريه بما انه راس البيبي كبير ومافيني عالصراخ وغيره مع اني ف حملي الاول ولدت قيصريه والحينه السكر كله مرتفع وتاعبني …
سؤؤؤؤؤؤؤؤؤؤؤؤؤؤؤؤؤؤال…
لو رحت لمستشفى الكورنيش الحين او بداية شهر 4 واقول لهم ولدوني قيصريه بيولدوني ..؟؟
يعني عادي الوحده تولد فالثامن وعقبها بيعطونها البيبي والا بيحطونه عندهم لين يكمل التاسع ..؟؟
ماعرف شو اسوي من حملت ونا فيني كحه وربو قوي ومافيني شده اولد طبيعي من اللي اسمعه مع اني مب امجربه 
فيدووووووووووني بلييييييييييز
الله يكون في عونج راجعي دكتورتج وممكن تحدد لج موعد القيصرية المناسب
انا من رايي انج تروحين مستشفى الكورنيش وخليهم يتابعون حالتج احسن لج وهم ايقررون شوة يسوون لج طبعا اكيد عملية قيصرية بس على الاقل انج تتطمنين … وعادي ايولدونج في الثامن ويتم البيبي عندهم فترة ويعطونج اياه…..الله ايسر لج امرج يارب
سيري لهم وهم ادرى بالوقت المناسب للولادة لج وللبيبي
الله يحفظج وجنينج من كل سوء اللهم امين
انا بقولج حبيبتي امي ولدت قيصري باختي اذكر ولدوها باخر السبوع فالثامن ..
ويوم طلعت خلوها عند امي مب عندهم عاادي بس سبحان الله نزلت اختي اذنها متسكره شوي وحواجب ما فيها عقب طلع خخخخ
توكلي على الله وروحي قولي للكرنيش عن الحاله وهم بيقررون متى موعد العمليه
تسلمون فديتكم عالردود الطيبه
بارك الله فيكن وربي يوفجكن في كل اموركن
حاليا ماقدر اسير المستشفى ريلي محجوز فالدوام وقريب ملجة اختي يخوفي اروح ويخلوني بالمستشفى وما احضر ملجة اختي..
للرفع