انا كتبت ها الموضوع لان صدق يوم ربيت ما كنت اعرف شي
مثل الاطرش في الزفة
و ما اتمنى اي وحدة تمر بمواقف
او تتحرك كانها كورة يمين يسار و هي في فترة النفاس ههههه
المهم خبرونا شو نسوي في فترة النفاس
شو نلبس اي مشد !
شو ناكل ! شو نشرب
شو الاكلات المفيدة و اللي تنظف الرحم؟
و شو نسوي بالضبط في ها الفترة؟
هل نستخدم ماي و ملح او لا ؟
شو عن الخياطة و كيف نهتم فيها و شو نستخدم !
شو العيادات اللي جربتوها للخياطة التجميلة ؟
بالنسبة للمنطقة كيف نخليها ترجع نفس ما ولدتنا امهاتنا ….
يالله كل وحدة تسدح تجربتها في النفاس و عل و عسى تفيدونا
ان شاء الله البنات بيفيدونا
أول تجربة كنت ما اعرف شي ..
شو نلبس اي مشد !
ما لبست شي كانت ولادة قيصرية
شو ناكل ! شو نشرب
كنت اكل فواكه و سلطات اكثر شي و اشرب السخانه و حليب بالزنجبيل و الكركم الطازج
شو الاكلات المفيدة و اللي تنظف الرحم؟
اللي اعرفه الاشياء الحارة مثل شاي بالقرفة و السخانة(الحبة الحمرا) حليب بالزنجبيل ينظف و يضيق الرحم و حليب بالكركم ما يب بوصفار للياهل
و شو نسوي بالضبط في ها الفترة؟
ما اعرف
هل نستخدم ماي و ملح او لا ؟
ما استخدمت
شو عن الخياطة و كيف نهتم فيها و شو نستخدم !
ما جربت
شو العيادات اللي جربتوها للخياطة التجميلة ؟
ما اعرف
بالنسبة للمنطقة كيف نخليها ترجع نفس ما ولدتنا امهاتنا ….
الزنجبيل عن تجربة ..و استخدمي تحميلة بيتادين بعد 40 تنظف المكان و الضيق ..
هل المرة ناوية اهتم أكثر.. و نستفيد من تجاربكم ..
انا شربت حريروة.. وماسويت شي عادي اكل اي شي بس كثرة لحوم وشوربة.. اما الخياااطة .. غسول بيتادين ومرهم ميبو وكنت اتنقع فماي وملح واسشور المنطقه.. وكنت بسوي خياطه بس طلعت حامل مرة ثانيه
انا في النفاس هالمره شو سويت ..
كنت عاديه جدا ..
بس كنت اشرب حليب فرش واااايد ..
و كنت اكل حبه الحمرا ..
و لبست مشد عقب اسبوع
و كنت اشرب زعتر و زنجبيل و اشيا دافيه لاني كنت في الشتا مربيه
و ودوم مزلغه و لا بسه صروال قطني و حاطه الشال …
مستحيل كنت اطلع برا الفله عقب المغرب
و السبوح بس الصبح ماشي سبوح بليل
و كنت استخدم زيت جنين القمح للمناطق الغامجه فالجسم
و الحمدالله كل شي تمام
موضوع في وقته تىني مكمله اسبوع
اشرب حبة الحمرا و حلبه وايد تدر الحليب
و احط حصاة حارة ف بطني و ظهري كل يوم تقريبا
استعمل غسول بيتادين و الميبو
بسالكم متى يخوز الم الخياطة
و اصلا كيف نعرف اذا الخياطه اوكي ولا
هاي اول تجربه لي
شو نلبس اي مشد !
انا اول وثاني ولادة استخدم السفرة او الغترة بس ربط خفيف ..هالمره اشتريت مشد من بيبي شوب بجربه
شو ناكل ! شو نشرب
الافضل نبتعد عن الاكل السبايسي والاكل الي يسبب غازات للطفل … اشرب حبه حمرا احسها تنظف .. عشان تزيدين الحليب اشرب ماي وايد وسوائل
شو الاكلات المفيدة و اللي تنظف الرحم؟
مااركز على عالاكلات بس الوحده تاحافظ على اكلها علشان ماتزيد تخفف نشويات وتركز على الفواكه والخضروات والشوربات … لانها في فترة حرجه وعادي يزيد وزنها بسرعه
هل نستخدم ماي و ملح او لا ؟
في حد يمدحه بس ماجربته ولا مره
شو عن الخياطة و كيف نهتم فيها و شو نستخدم !
ميبو
شو العيادات اللي جربتوها للخياطة التجميلة ؟
ماجربت
بالنسبة للمنطقة كيف نخليها ترجع نفس ما ولدتنا امهاتنا ….
انا كنت اسوي رياضة كيجل بس على حسب كل وحدة