مرحبا بنااات ،،
سرت اليوم عند الدكتورة و فحصتني بالجهاز و بيّن عندها ان ماي الجنين ناقص ، و وزن الجنين بعد ناقص وايد عن الوزن الطبيعي ، تقول ان وزنه كيلو و ميتين غرام ،، و تقولي ارتاحي و اكلي وايد ،، و انتوا عارفين ان الحين رمضان الوجبات بتكون اقل و ساعات الصيام اكثر ،
بشو تنصحوني ؟ هل اكمل صيامي و احاول اكل واااايد بعد الفطور ؟ و الا افطر ؟ و شو الأكلات اللي تكبر الياهل و تزيد وزنه ؟
اولا اسالي الدكتورة اذا تفطرين والا اتصومين لانها ادرى بحالتج
واكلات اتكبر البيبي جربي عصير افوكادو بالحليب
نقص الماي عندي في الخامس او السادس فقمت كل يوم اشرب ناريل والحين الحمدلله الميه ممتازه
وسمعت ماي زمزم بعد يزيد الماي
اكلي موز وتمر واشربي حليب ولاتهملين حبوب الفيتامينات والكالسيوم الي وصفتها لج الدكتوره
سلامتج اختي والافضل انج تستشيرين دكتووووووورج في المووضوع
اختي البيبي محتاج تغذيه …كيلو وغرامين قليل
اختي الغالية
انا كنت نفسج و فطرت بروحي و الدكتورة ما قالت لي بصراحة تقريبا فطرت اسبوع ف نهاية رمضان
كله عشان النونو حبووبة
نصيحة اشربي ماي زمزم كل يوم – انسدحي و ارتاحي – لا تشيلين شي ثجيل –
اشربي عصاير طازجة و فرش مثل الافوكادو و الموز والبرتقال و الكوكتيل و البطيخ و الشمام نوعي كل يوم عصيرين
و اكلي فواكه برتقال موز كيوي شمام بطيخ
يعني فواكه + عصاير كل يوم
حليب طازج كل يوم ضروري عسب البيبي + اكلي ادويتج يوميا فيتامينات و كالسيوم و ضروري حديد ضروري كل يوم
ابتعدي نهائيا عن سوالف الشاي الاخضر و عصير الاناناس و حبة حمراء
جربي ها الاشياء و بتدعين لي ان شاء الله
و ضروري كل اسبوعين تجيكين بالسونار ع حجم الماي و الوزن
شكرا خواتي