الأمهات المجربات
يقولون ان البيبي المولود اليديد دايماً تيه غازات ومغص فالبطن ..
والسبب اكل الأم أضني لان ينزل للبيبي فحليب الأم ..
شو الاكل الي يحتوي على غازات المفروض ما اكله عسب ما يأثر على البيبي ،،وتمغصه بطنه
ولو لاسمح الله ياله مغص شو اقدر اعطيه او كيف اتعامل معاه
لا تقولون ماي غريب من كثر ما سمعت عنه ما اعتقد اقدر اعطيه للبيبي ..>> انا اوسوس وايد
>>> ام لاول مره عسب جي خايفه موت
شوفي الاكلات اللى تسويلج انتي غازات وابتعدي عنها ..
خلي اكلج صحي " وكثري من الخضره والعصاير "
بس لو واجه البيبي " الغازات"
ممكن تسويله ماي ونعناع …
ولا اتطيحينه على بطنه …
مساج للبطن .. وهيك..
البقوليات اتسبب غازات مثل العدس والفول والفلافل والبيض
وماعرف شو بعد
المهم اذا كلتي صنف من هالانواع على طول شربي زعتر او ينسون حتى ماتستوي غازات عندج
الغازات تتكون عند الطفل من ابسط شى .. حتى من الرضاعة الطبيعية اذا كانت الوضعية غلط فاحتمال انه وهو يمص تدخل كمية هواء في بطنه .. والحليب الصناعي وايد يسبب غازات للرضيع بعد …
أهم شى لا تفكرين تعطين البيبي الحليب الصناعي لو برد لانه يسبب له مغص…
وعقب كل رضعة حاولي تخلينه يتشدع " يظهر الغازات " من بطنه ..
وكل فترة حاولى تحطينه على ريلج بطريقة انه يكون منسدح على بطنه .. هالحركة تساعده يطلع الغازات..
وفي دواء طبي يوصفونه للرضع عطوني اياه مستشفى الكورنيش اسمة انفيكول وهذى صورته سعره مناسب يمكن 15 درهم قبل الرضعة تعطينه ..
وتقدرين تفوحين للبيبي ينسون بتحصلينه عند العطار قوليله الينسون الحلو اللي يسوونه للشاي هو شكله نفس الكمون بس ريحته احلى ..
فوحي ملعقتين ينسون مع شويه سكر " خلى الطعم يكون سكرى شوى" واشربيه انتي وشربي البيبي يكفيه 50 مل وبتستغربين من الغازات اللى بتطلع من البيبي ..
وبخصوص اكلج اتجنبي الاكلات اللى تسبب الغازات مثل السلطات و الكولا . وكثرى من الاشياء الحارة والدافية
واهم شى ادفى عدل …
الله يسهل عليج
عزيزتي بعد كل مره يرضع فيها
لابد يتكرع و يطلع الغازات اللي ببطنه
ربتي على ظهره بخفه لين تطلع كل الغازات