مرحبا صباياااا ، شحالكم ؟؟؟ ان شاء الله كلكم تماموووو اليوم جهزتلكم سبشل اوردر لوك (عيون الراكون) او (Raccoon eyes)
[IMG]
[/IMG]
وحده من بنوتات المنتدى طلبت خطوات هذا اللوك بس تباه مع لمعة و ما تبا الآيلاينر محدد تباه (سموكي) تتشرط الأخت ههههه اسولف فديتها هي تامر امر …..
[IMG]
[/IMG]
طبعا كالعاده نجهز البشرة من مجاميعه ( تنظيف+ ترطيب + بيس+كونسيلر+فاونديشن + لوس باودر) على حسب احتياجات بشرتج
و هني العين بعد التحضيرات هاي كلها ^_^
[IMG]
[/IMG]
بعدين وزعت لمعة لؤلؤية كريمية من شسيدو لما تنشف تستوي شرات البودرة ، حلوة و تساعد على تثبيت الآيشدو
[IMG]
[/IMG]
[IMG]
[/IMG]
بعدين نضيف الشادو البنكي على الجفن المتحرك فقط مثل ما هو موضح في الصورة
[IMG]
[/IMG]
الخطوة التالية بنضيف فيها الظل الداكن في المنطقة بين الجفن المتحرك و الثابت بالضبط في المنطقة اللي انا معلمة عليها في هذي الصورة في القوس بين الجفنين و الثلث الداخلي من الجفن المتحرك و الثلث الخارجي بعد و نتجنب الشادو الوردي اللي في النص
[IMG]
[/IMG]
انا دمجت 3 ألوان مع بعض في هذا المكان رمادي بنفسجي و وردي و دمجت الألوان بشكل جيد مع بعض و ما تركت خطوط فاصله و محدد بين الألوان ( انا برايي احس منظرها يكون مش حلو بالمرة) استخدمت فرشاة الدمج من ماك رقم 224
[IMG]
[/IMG]
وهذا شكل العين بعد ما دمجت الألوان على الجفن
[IMG]
[/IMG]
بعدين بنضيف لمعة في الثلث الأول الداخلي من العين و الزاوية الخارجية من العين
مثل ما هو موضح في الصورة
[IMG]
[/IMG]
و هني رسمت الآيلاينر من فوق و من تحت ، حتى لو ما كنتي محترفة في رسم الآيلاينر لا تحاتين لأنه بنرجع نموه اللون و بنسويه سموكي
[IMG]
[/IMG]
و بعدين بنحط آيشدو بنفسجي تحت العين من الزاوية الخارجيه و نسحبه لبرع مثل الصورة
[IMG]
[/IMG]
بعدين بالآيشدو الأسود أموه الأيلاينر من فوق و من تحت بس لااااا تكثرين شوي شوي
[IMG]
[/IMG]
بعدين بنأكد على اللمعه تحت الحاجب و على الآيشدو الوردي اللي حطيناه فوق الجفن المتحرك وزعي و دمجي مثل ما تحبين على الزاوية الخارجية تحت العين أعلى زاوية فوق الخد على حسب ذوقج ، انا كثرت لأن البنوتة اللي طلبت اللوك تباه بلمعة قوية يعني حسب الرغبة و من داخل العين استخدمت قلم باللون الفضي (من برجوا)
وهذا هو اللوك النهائي بعد الرموش …….. ترااااتااااتاااااااااااااااااااااااا ^_^
[IMG]
[/IMG]
[IMG]
[/IMG]
هااا شو رايكم ؟؟؟؟ ^_^
وووووووووووووووووووووووووااااااااااااااااااااااااا اااااااااااااااااااااااااااووووووووووووووووووووووو وووووووووووووووو روعه نايس تسلم هالايد ^+^
تبارك الرحمن حلو ومرتب ما شاء الله علييييييييييييييييييييييج
روووووووووووعه ما شاء الله ..
والله خاطري اتعلم احط ميك اب .. تعبت وانا ادور مراكز للتجميل .. 
ماشاء الله وايييييييييييد رووووووووووعه تسلمين يالغلا
رووووووعة يالغالية
تسلمين دووومج مبدعة
نايس تسلم الأيادي المبدعة