بوضــــح الموضوع أكثـــــر ،،،
الســـلام عليكم ورحمـــة الله وبركاتــــه ،،،
ما كتبت هالشــيء الا يوم شفت مفعول الدوا ناسب بنتي ونفس الشي عيال خواتي ( الله يحفظهم يااارب )
فديتهم اليهال يوم تعبون يغمضون وأكثريتهم من البلغم ومشاكل الصدر ،،،
والصراحه بس لاعت جبدنا ونحن نعطيهم ادويه واللي اتسوي بخار حق عيالها ،،،
الحل عندي وشـــي طبيعـــي ،،، ( وربي يشهد أني جربته على بنوتي فطامي القمر ) ربي يحفظها لي
السنه اللي طافت أميــه فديتها سافرت سوريا واهناك اتعرفت على حرمه عووووده وكانوا ساكنين
بالريف ،،، وكانو يتكلمون ويسولفون وسالتها أميــه شو دوا زيــن حق الصدر
قالت الها ،،، هاتــي الذره الكامله وبطلي هالشعر اللي حوليها ههههه ما أعرف شسمه وفوروه فــي
ماي جنكم بتسون أعشاب عادي وإذا تبين حليه بعسل وشربيه ( لولدج / لبنتج ) حتى أنتي تقدرين
تشربين منه ،،،
بنتي الحمدلله ماشاء الله استفادت منه من أول مره لكن بنت اختي شربته من اول مره وبدى يخف تمت
أمها تعطيها ثلاث أيام والحمدلله خاز عنها ،،، نصيـــحه مني جربوه ،،،
وأخيــرا ،،، أتمنى منكم بـــ دعوه حلوة بأن ربـــي يحفظ لي ( بنتـــي وأبوها ) من كل شـــر .
والله يعافـــي عيالكم ياااااارب ،،،
إللي سالونـــي شو بالضبط أقصد اتفورون الشعر مب الذره ان شاء الله فهمتوا علــــي والكيه علــى حسب أنتي تقدرين اتقدرينها يعني نفس المقدار اللي اتسوينه للأعشاب
جزاج الله خير
الله يخليلج بنتج
عليكم السلام ورحمة الله وبركاته
معلومه يديده ^__^
مشكوره حبيبتي هنوده
العفـــو خواتــــي
رووووووعه كل وحده عنده تجربه تفيدنا ويقولون ماي النخي وايد زين للبلغم والصدر جربوه
الغاليه نفور الشعر؟ ولا الذرة؟
وشو الكميه المناسبة تقريبا
لو توضحين اكثر يكون زين
شو اللي نفوره وكم الكميه فاليوم وعادي اللي اقل عن سنه