شو رايكم خواتي بالرخام العماني هو الوحيد اللي حصلت سعره معقول المتر اقل من 100 درهم الايطالي روعه بس سعره خيالي المتر ب200 درهم وطالع لين ال900 درهم للمتر والاسباني من 150 وطالع والتركي يبدا ب130 درهم للمتر انا الميزانيه اللي عندي 100 درهم للمتر شو اسوي
.gif "12 (98)")
ممكن ازيد ل130 بس المشكله اللي ب130 قياس القطعه اتكون 30 * 60 المستطيله وانا ابا الحجم الكبير ال 60 * 60 م فشو الحل احط العماني واتوكل على الله حد يقول يشرب ماي ؟؟؟ وحد يقول ماشي حاله ؟؟؟ ولا احط جرانيت للصاله والمجلس بعد هذا في حدود الميزانيه شوروا علي دخيلكم
داير راسي وماشي وقت
.gif "12 (29)")
انتي تبين عماني وانا ماعرف عنه بس خبروج أنه مب زين فمايحتاي تاخذينه
خذي شي مضمون مب بعد 3 سنين تحصلينه مايصلح
الغالية بقولج الصراحة
مدي ريولج عقد لحافج
الله يسر لج امورج ويزيدج من فضله
الغاليه خذي سيراميك احسن
على ما اظن انه الموضوع يخص بيت العمر و إنتي في مرحلة إختيار الأرضية
شوفي حبيبتي الموضوع يبغيله وقت في إختيار المواد طبعا و إختيار الألوان بعد
الرخام طبعا أفخم و أحسن لكن بالنسبة لي الكرانيت أيضا مميز ز فيه نقشات مميزة
و يصمد مع الوقت و أفضل عن السيراميك لكن ليس أفخم من الرخام فإذا ما حصلتي
السعر المناسب فلا تترددي فإختيار الكرانيت و إحرصي على تناسق الالوان لا تكثرين من النقشات
فلن تكون بصالحك أثناء تأثيث المنزل
لكن من رأيي الرخام يظل الإختيار الافضل و الأفخم للفلل حتى لو كلفج اكثر ممكن تدفعين للمقاول الفرق ؟؟
انا اشوف اللي حطوا رخام وجرانيت في الصالة والميلس ردوا غطوه بزوالي
يعني ليش نكلف ع عمارنا
اشوف السيراميك من نوعية ممتازة افضل من رخام واغطيه بزل
واذا عايبنج الرخام حطيه وادفعي اليوم عن باجر تدفعين دبل في شل وحط نوعية احسن
مرحبا خواتي ومشكورات وما قصرتن باقي الرخام المصري ما شفت سعره ولا الصيني بلف بعدني على هالاثنين وبقرر والاغلب حاطه في بالي جرانيييت