هلا وشحالكم ….عساكم بخير
انا مجمعة اوراق لطبخات مصورة من المنتديات و أبغي اطبعهم
بس تعرفون ها الاوراق تزيد كل مرة وتضيع عني احيانا ..وما اقدر اغلفها لان اذا عجبني شي ثاني من الاكلات بطبع مرة ثانية
عطوني فكرة ارتبهم
ان شاء الله البنات يستفيدونج….
اشتري ملف وأوراق شفافه من المكتبة وحطي اللي طبعتيه في الورقه الشفافه وممكن تزيدين من الورق الشفاف لين يمتلي الملف ,, الله يوفقك.ملاحظه ( الملف يكون فاضي والأوراق الشفافه تنحط فيه لأن يبيعون ملفات جاهزه ملصقين فيهن كم ورقه شفافه مابتنفعك لأن ماتقدرين تزيدين من الورق )
هلا اختي …..
مشكوورة على طريقتج … بس ابغي فكرة ثانية….والسموحة
عيبتني طريقة الملف
احسها عملية
البنات بيساعدونج ان شاالله
السلام عليكم
تقدرين اي طريقه تحبينها او تجربينها من المنتدى تطبعينها على شكل كرت صغير يحتوي على المقادير و الطريقه وتكبسين كل الكروت الي جربتيها وتحبين تحتفضين بها من غير ماتظيع عنك تكبسنهم بحلقه او بميداليا مفاتيح 
تحياتي