مباركن عليكم الشهر
خواتي بنت عمي عرسها بعد العيد ان شاءالله
وماعندها وقت اتلف وتدور ونحن فشهر رمضان
ادري الموضوع متكرر لكن محتاجة مساعدة وين تنصحونها تأجر فستانها ؟!
منو من الماكيرات تشوفون مكياجها تحلي العروس ؟
وشو احسن فاونديشن لبشرة حساسة مشكلتها ماتثبت مكياجها ابد ؟
مسكة العروس كيف احلى باقة ورد سمبل او ورد نازل
ولولو ، كرستال ولمعه ؟!
شو احدث كوش واحلى شي فهالموسم ؟!
عروستنا ماتروم تسافر شهر عسل بسبب دوام ريلها فوين تنصحونهم حق الحجز اول 3 ايام ؟!
بخصوص زيارات عائليه وعزايم لبيت ريلها شوتنصحونها تلبس ؟! شو الافضل دراعات. مغربي او ؟!
بخصوض اهتمام وعناية بجسمها غير حمام مغربي شوتسوي ؟!
عناية شعرها بكريمات و زيوت شعرها طيح وايد
ويالسة تفكر تسوي الليزر حق ويهها لكن يمديها وقت وكفاية جلسة او جلستين ؟!
وين تنصحونها تسوق وتقدر توفر وقتها وتاخذ زهبتها و جلابيات لبيت ومناسبات و من اكسوارات. نعل و السوع و عطورات فمكان واحد ؟!
الحبيبة ماتعرف تطبخ خير شر كمبتدأة تحتاج كتاب طبخ ابي اهديها لكن اي كتاب تنصحوني ؟!
م
دعواتكم لها ربي يتتم لها على خير
مووووووووفقة العروس
اااااااب
والله يوقفها ي رب
مبروك مقدما
من ناحية اللبس ع حسب اهل الريال شو لبسهم وطبعهم
من ناحية المكياج حسب المنطقة الي هي فيها وانتي ما ذكرتي اي منطقه
أما الليزر مايمديها تحصل نتيجه لان الليزر يباله شهور
أما الطبخ الله يعينها انصحها بقناة فتافيت احسن من الكتب
وأتمنى الأخوات يخبرونا اي الفنادق احسن
الله ييسر لها ويتم زواجها ع خير
مبروووك مقدما ان شاءالله البنات يفيدونك
تسال ريلها بس حج اول فتره فساتين و بعدين حسب الموضه و الطبخ لازم تجرب اكثر من وصفه و تركز على الي يحبه ريلها
حبيبتي أنتي ما حددتي وين ساكنين
بس نصيحتي لها ف العزايم تنوع مرةتلبس دريس ناعم ومرة مغربي …..الخ
أم الطبخ فرصتها ف رمضان تجرب ع الاقل تتعلم الاساسيات
الله يتمم لها ع خير