السلام عليكم ورحمة الله وبركاته
يا عرايس انا العام كان عرسي واختي اللي اكبر عني بعده ماياها نصيبها فانا ايام اللي كنت ازهب ما كنت ادخلها وايد خفت تتضايق و تتحسس لس كانت طبيعيه فيايه بس من عقب عرسي تغيرت وايد ويوم اسالها شو بلاج تقول لي مابلاني شي عاديه انا بس الكل ملاحظ والكل رمسها والكل يقول انها يمكن تكون حست انها غيرانه مني ايام الزهاب لاني ماكنت اشلها وياي يوم اسير السوق ولا اسولف وياها عن عرسيه بس انا ماكنت اقصد موضوعي هذا للعرايس اللي عرسهن قبل اخت كبيرة او مطلقة او ارملة لا تغلطن غلطتي واللي مرت بهالموقف والا عندها لي نصيحة تخبرني لان متضايجة وايد 
واهم شي ادعن لاختي الله يرزقها بزوج صالح يسعدها
سبحان الله يا اختي من حقها تغير وتضايج والحمدالله فديت ابوي كان يرفض الي ايي قبل اختي الكبيره
ولازم عنده بالترتيب عشان محد تتحسس بس في نفس الوقت هذا نصيب ولازم الكل يرضى فيه وكل شي مكتوب
اعرف وايد بنات عرسو قبل الكبار وسبحان الله بعد كم سنه ياها نصيبها واحسن بوايد
بس كم الفررق بينج وبين اختج ؟
كله نصيب تقربي منها ودوم سولفي بفرح ان لين بتعرسين ان شاء الله بنسوي لج هالشي لي شفته في عرس فلانه وفي عرسج ان شاء بنسوي جيه وجيه اهديها اشكيلها همومج الزوجية تقربي منها اكثر عن قبل
المفروض الأهل ما يرضون يعرسون الصغيره قبل الكبيرة لانه لو عرست الصغيره الكبيرة بيوقف حالها
وانتي الله يهديج غلطتي يوم ما وديتها وياج
زين منها انها بس تغيرت عليج
شو يعني أذا انتي عرستي قبل أختج العوده؟؟!! شوفي ما فيه أخت بتكرهه لأاختها الخير على العكس اذا انتي نصيبج ياج قبلي انا اول وحده بوقف يمج وياج وبفرحتج لكن انج ما ترمسين عن العرس وتخليني على طرف وعلى صوب كاني غريبة عشان تخافين اني اكون حاقده والا حاسدتنج هني لو براويج ويهي زين
كان الفروض يكون شورها هي قبل أي حد وتشترين لها من زهبتج وتودينها وياج كل مكان
كل شي نصيب وانتي بادري بالكلام الطيب والمعامله الحسنه وخذيلها طقم ذهب صغير ولا شي من هالامور واهتمي فيها
لاترمسين عن حياتج الزوجيه وعن ريلج قدامها يمكن تغار الله يكتب لها النصيب وبالتوفيج
اختي هاي اختج مب ربيعتج عشان النقاش يوقف من بينكم
هي ما بتفهم شو اللي ف بالج يوم بتسوين هالشي ونفس
الشي انتي ما تعرفين هي شو ف خاطرها او ف بالها من
زواجج، وعشان ما تزيدين الحساسيات، حاولي انج يوم تتشرين
او تسوين شي تاخذين بشورها وتتقربين منها وان شاء الله
بترد علاقتكم قويه، واما بخصوص زواج الصغيره والكبيره بعدها
ف ما يخصه اختي كله نصيب، يعني مستحيل الاهل لو يفكرون ف
مصلحه عيالهم يوقفون نصيب الصغار بحجه انه العوده بعدها، يمكن
الكبيره مب من نصيبها انها تعرس واكيد ف هالشي خيره لها! مب
معقوله خواتها بعد ما يعرسون بحجه انها ما عرست وفالنهايه كل
حد بياخذ نصيبه
اختي مراسيل تدرين المشكله مجتمعنا
لو عرست الصغيره قبل الكبيره
يتمون يقولون شو فيها الكبيره ليش ماعرست وجيه
عشان ابوي جيه كان يرفض والحمدالله عرسنا بتالرتيب
بس مادري والله حازه بخاطري اختج
ونفس ماقلت اختنا ييبي لها طقم ذهب صغيرون او اي شي تحبينه وتمي قولي لها اول ماتعرسين سوي جيه ومن عرستي انصحج تشترين هذا ولاتغلطين غلطتي
ولاتتتكلمين عن ريلج قداامها او شوه سوا حق او او
الله يرزقها الزوج الصالح عاجل غير اجل وتفرحون فيها ويرزق كل بنت الزواج وبنات عماتي يارربببببببببببببببب
