السلام عليكم شحااالكم موضوع اليوم حسااس شوي بس للاسف ظاهرة وانتشرت في الفترة الاخيرة وهية حب البنت للبنت وهالحب
انواع حب شرييف بمعني البنت تحب صااحبتها وتكون اكثر من اختها ومثل ما يقولون تكون اخت
مع انها مو من من نفس الام والاب وهذا الحب عااادي دامه في الله قال الرسول عليه السلام بما معناه
سبعة يضلهم الله في ضله يو م لاضل الاضله وذكر منهم المتحابون لله .
ويوجد نوع اخر كان منتشر قبل ظهور البويات وهوعلاقة بين بنت عادية وبنت اخرى عادية اي
ماتكون فيهم وحدة بووية ويسوون مع بعض كل شي اعوذالله ويسمونهم السحاقيات .
النوع الثالث والمنتشر هالايااام بكثرة البوياات (البنت المسترجلة) بصرااحة مروا علية وايد منهن في
المدرسة والجامعة وتشوفهم جايين مو للدراسة ولكن لتكوين علاقات مع البنات !! وللاسف يحصلون
تجاوب من بعض البنات الله يهديهم تحصل البووية مااسكة بايد البنت علني مثل شاب وزوجته
والبوية تشتري لحبيبتها الهدايا وبطاقات التلفون….الخ ايام الجامعة قعدت مع بويات ابي افهم
كيف تفكيرهم .
اغلبهم من اسر مفككة وطبعا لا تربية ولا دين وبعضهم متربيين بين اولاد ويلبسونهم كنادير من
الصغر !! واذا حاولت بنت تنصحهم يعصبون ويزعلون واحسهم هالبويات يتفاخرون بهذا الشي يعني
ما يستحون طبعا هذا لعقدة نقص يفكرون انهن مميزات للاسف حتى الحين برا الجامعات والمدارس
اشوفهم بالمراكز يبون يتعرفون على بنات !!
بصراحة مادري ما يخافون ربهم البويات ما يعرفون انهم ملعونات قال الرسول عليه الصلاة والسلام
لعن الله المتشبهين بالرجال من النساء والمتشبهات من النساء بالرجال ,
والله سمعت بوية تزوجت بنت بعقد استغر الله العظيم ربي يهدي الجميع وخااصة البويييات مادري والله
كيف بنت تتنازل عن انوثتها وتسترجل وفيه منهم يسمون اعمارهم باسماء اولاد !!
ان شاءالله تقل هالظاهرة لان اختفائها صعب الصراحة ماعرف شو الحل في هالموضوع
ان شاءالله اسمع رأيكم بالموضوع وشكرا
قال تعالى (( ولاتقربوا الزنا ))
وانا بعد احب اعلق واقولهم ولاتقربوا اللواط ><
حبيبتي في بنت تتعلق في بنت وتحبها بس ماتسوي اي شي وياها هاي تستوي في المراهقة وكلنا مرينا فيه يعني ازمة وتعدي اما السوالف الماصخة اللي تستوي بينهم هالشي غلط واذا الانسان ما عالج الموضوع من البداية ممكن المشكلة تتفاقم والاسباب ضعف الوازع الديني ورقابة الاهل بس مب دوم يكون السبب من الاهل الحين شياطين الانس في كل مكان ويأثرون على بعض الله يهدي بنات المسلمين
مشكورات اخواتي والله يهدي كل بنت تمشي بطريق الغلط
الصرررررررررررراحه موضوعج يباله نشششششششر ف كل مدرسسسسسسسه وجامعه ضاعن
ربي يهديييهن ويصلح حالهم
ومشكووره الغلا
العفو اختي وفعلا الموضوع يباله نشر معنى عدنا بالعين الدعم الاجتماعي ما مقصرين بالمحاضرات
مب شي يديد .*
أحس البنات اللي عندهم هالشي يعانون من نقص في حياتهم واللي هو الحب والحنان والاهتمام من الأهل .. وما يلاقونه إلا عند البنات اللي مثلهم .*
الله يهدي بناتنــا .*