السلام عليكم ورحمة الله وبركاته شو رأيكم في الوصل
من اي ناحية حبوبة
شوفي من ناحيه الخبره هي عندهم الخبره
بس من ناحيه الراحه مول مب راحه تدرين انا يوم ربيت عندهم تقريبا من شهر ونص شفت الويل تعب تعب صدق تعب وارف اتخيلي اول ماولدي طلع فديته مالبسوه شي تم ساعتين بدون لبس بس شرشف وتكرمين بال وسواها عليه
وطبعا غير انج يمكن ماتحصلين غرف يعني تيلسين فالجمعيه هذا روحه ارف
ويوم سرت غرفه ادق عالسستر اقوللها ابا مخده تقول ماشي انزين ابا اندروير اونه خلص هني في هذا القسم خلص اتريي
وانا من النوع اللي اول الايام مافيه حليب اتخيلي ولدي ميت من الصياح يوعان اونه لا رظعي حتى لو قطره حليب مافي ماعندنا
ويوم سبحوه بعد ماشلوه سبحوه فالحجره عندي والمكيف شغال اتخيلي يعني الياهل يموت من البرد
لا والشي اللي صدق قهرني وانا اربي واتويع وكل شي طبعا مكشوف دشو متدربات يتدربون عليه اتخيلي حتى ماستاذنو مني
بس ريلي عصب وطردهم
Plume
اويه وايد لعوزوج ولعوزوا ولدج.. تدرين سبحان الله كل ما استخير ما ارتاح للوصل ويصير لي شي وما اسير لهم.. الله رايد اني اراجع مستشفى خاص والحمدلله مرتاحه..
الوصل بالمره مب شي.. لا معامله ولا نظافه ولا مواعيد ولا شي..
اميرة الفقراء انتي كيفج اختي
المشاركة الأصلية كتبت بواسطة أم فزاع 
اويه وايد لعوزوج ولعوزوا ولدج.. تدرين سبحان الله كل ما استخير ما ارتاح للوصل ويصير لي شي وما اسير لهم.. الله رايد اني اراجع مستشفى خاص والحمدلله مرتاحه..
الوصل بالمره مب شي.. لا معامله ولا نظافه ولا مواعيد ولا شي..
وانتي كيفج اختي
هي والله اختي وااااااااااااااااااااااااااااااااايد انا انصحج تربين في خاص
وانا اذا فكرت احمل مستحيييييييييييييييييييييييييييييييييييييل اربي عندهم لاني كرهتهم
خواتي أنا من ناحية علاج الاطفال الصغار سالفتي طويلة أنا بنتي قالوا عنها فيها السعال الديكي
الوصل موول ما يمدحووونه والله سوالفهم وااايد خايسه ويا الناس…
انصحكم بالمستشفى الدولي الحديث في دبي والله عنايه ولا اروع انا ربيت فيه الحمدالله والله راحه غير طبيعيه عنايه بي وبالياهل غير طبيعيه اربعه وعشرين ساعه وياج تطلبين اي شي موجود صراحه انااا وايد ارتحت لهالمستشفى والحين كل شغلي معاهم سوا حمل او غيره..