السلام عليكم ورحمة الله وبركاته
كيف الحال؟
شو رايكم خواتي
عندي ربيعه تشتغل لها سبع سنوات في مستشفى بس المشكله
ان مسؤولة القسم مالتها ماتحبها!
بتقولون ليش وكيف؟ مااعرف الاسباب
يوم سالت البنت قالت لي انها دوووووووووووووووووم على مكتبها تشتغل وعمرها ماتقوم منه حتى ماتتغدى وتقبل تشتغل دوامين وتغطي على بقية البنات
حتى يوم اتصل عليها الاقيها مشغوله وماكثر عندها!
ولكن المسؤوله ماتحبها وتبعث لها المشرف ودوووووووووووم يقولها ان فلانيه يعني المديره ماتحبك وحاطتنك في بالها يعني يهددها!
حسب البنت هي مب مقصره في الشغل ابدا!
ولكن هذا الشي اثر عليها مع البنات في القسم عشان يعرفن المسؤوله ماتحبها
فماحد مسوي لها قيمه! يعني صارن يرادنها في الكلام ويصارخن عليها
تعرفون يوم المسؤول يتكلم عليك قدام زملائك
تصير انت ولا شي
مااعرف بس هي تشتكي وتريد تنتقل بس مب قادره تنتقل عشان الاقسام الثانيه فيها اكتفاء وبعد مب قادره تترك الشغل عشان يمكن صعب تلاقي تعرفون كيف الحين
الشغل والناس
وخايفه تواجهه يمكن يصير كلام ومشاكل بينهم!
ماتعرف شو تسوي؟
بس يصير المسؤول يسوي جي قدام الموظفين
انا لو بدالها بشكيها
هي حتى مرات موظفين في اقسام ثانيه بس قريبه يطلبون مساعده منها
تروح تساعدهم
فيصارخون عليها في القسم او المشرف يوصل لها رساله من المسؤوله انك فلانيه حواطه وماتقعدين في المكتب
اخر مره وصلت لها من مشرفه ثانيه راحت البنت ماستحملت وصارخت في المشرفه!
قلت لها مالك خص بالاقسام الثانيه خليكي في قسمك
راحت اتسمرت في القسم وماتتحرك
وصلوا لها انك تتكلمين كثير مع البنات في القسم!!!!!!!! ههههههههههههههههههه
رغم انها هي اقدم وحده في القسم وبقية البنات يستعينن فيها وطبعي بيصير في كلام
باقي البنات عادي يتكلم وحتى صور الاعراس مالتهن يورنها بعض وفي بينهم كلام واشياء
بس ماحد نبهن! بس هي
تشتكي للي أعلى عنها !
المسؤول مب حاطينه عشان يكره فلان
ويحب فلان، والقهر يرفعون رايه الاخلاص
ف العمل 
الله يهديهم
هلا اختي مراسيل
خبرتها تشتكي
بس يمكن خايفه من المشاكل
هي اكيد في عليها مشرف اعلى عليها
بس مااعرف ليش الاخت ماخذه راحتها وليش تكره البنت جي!
انا في البدايه فكرتها هي مقصره بس انا اعرفها دووووم تشتغل وحاطه راسها بالكمبيوتر ماتتحرك من المكتب!! غريبه
دام شغلها زين وعلى اكمل وجه تطنش ماعليها في حد
ما اعرف بس احس البنت هي اللي عندها مشكله في التعامل مع الناس
لان حتى لو المسئوله ما تطيقها ممكن معاملتها مع صديقاتها تكون عاديه
احس عندها عقدة الاضطهاد هي اللي مسويتلها كل ها المشاكل
ما عندها ثقه بنفسها
الله عينها و ييسر امرها ياارب
المسئوله مقهوره منها لانها شغيله وتساعد وفي مجال يرقونها ويحطونها مكانها
وهي ماتبي هالشي عشان جذي تطلع عليها سمعه وتستقوي عليها