السلام عليكم
خواتي عندي غراش واااايد مال الدخون والعود من غير قواطي الشبة
قواطي الشبة استخدمهم مرات نادرة احط فيهم شي من مستلزمات المطبخ والطبخ والخياطة
بس غراش الدخون والعود احس صعبة شوية احط فيهم شي لان الريحة اتم عالقة في الغرشة حتى لو غسلتها
وانا اصلا عندي فائض وماعرف شو اسوي فيهم .
عندكم افكار
ومشكورين
أنا أحط فيهن عقم ..
وأكثر شي أحط الورود اللي أسويها .. وهالسوالف
إذا عندي أغراض صغيره خاصه بالهوايات والأشغال اليدويه بعد أحطهن في هالغراش .. 
الغاليه اذا اتعرفين حرمه اتسوي دخون عطيها اياهن وشوفي كيف بتستانس
لانج بتوفرين عليها مشتراهن وانتي برتاحين من زحمتهن هذي فكرتيه
وان شاء الله البنات يعطونج افكار ثانيه تحياتي.
ارميهم لان قواطي الدخون اكثرها اتم فيها الريحه فتره وصعب تخوز انا مجربه
المشاركة الأصلية كتبت بواسطة منّايه 
وأكثر شي أحط الورود اللي أسويها .. وهالسوالف
إذا عندي أغراض صغيره خاصه بالهوايات والأشغال اليدويه بعد أحطهن في هالغراش ..
ماشاء الله عليج انتي مبدعة بس انا ماعندي هواية معينة ايمع اغراضها
المشاركة الأصلية كتبت بواسطة الورد لانج بتوفرين عليها مشتراهن وانتي برتاحين من زحمتهن هذي فكرتيه
وان شاء الله البنات يعطونج افكار ثانيه تحياتي.
ياريت لو اعرف وما بقصر وياها
عالاقل نفيدها وتستفيد
المشاركة الأصلية كتبت بواسطة عروس الليل امممم حرام افرهم شي غراش حلوة والله وثجيلة ما تنكسر بسرعة
بس القواطي التعبانة افرهم
اشتري كريم نيفيا السائل الي بدون ريحه و عطر توله و صبي الكريم في الغرشه و حطي عليه العطر و اخلطيه و بعد الشور افركي جسمج فيه
يعني سوي كريمات معطره من صنعج و العطر الي تحلبيه ^_^
الغرش الحلوة احتفظي فيهن مثلا حطي عود ناشف(خشب)
أما العاديات عقيهن..