سؤوااااااااااااال خطر في بالي وابغي المجربات يعطونا من تجاربهم
بم ان فيني اثار الحبوب في ويهي فبيغيت رايكم شو الاحسن في نظركم
هل اسير اتعالج عند دكتورة جلدية؟ مع ان دكتورة جلدية تعطي مضادات كيماوية …وغير عن هذا يعطون حبوب يمكن تاثيرها يكون سلبي وايجابياته تكون قليله ..
ولا اسوي خلطات طبيعية في البيت واحاول اعالج نفسي بنفسي .؟ يعني حتى لو ابتعدت عن هالمستحضرات ..ما بياثر فيني بشكل سلبي
انتو شو رايكم؟
حبيبتي الافضل تسيرين عياده تسوين فيشل او تقشير البشره بالحمضيات وايد روعه ومفيد للبشره والله يوفقج
ثانكس
حبيبتي الاحسن تزورين اي وحده من العيادات واذا كنتي من راس الخيمه انصحج في العياده الي كتبت عنها تقرير ^^
صحيح الأدويه الطبيه تحتوي على مواد كيميائيه بس بنسب مدروسه واللي مسوينها دكاتره بتركيزات مختلفه عشان تناسب كل حاله عن الثانيه …يعني مافي داعي للتردد والشك
دكتوره او عيادة احسن
أنا عانيت من حب الشباب 6 سنوات
ما خليت خلطات
ولا خليت عيادات من أدويه وليزر وغيره
ولا خليت مطاوعه وماي زمزم مقراي في كنت أغسل فيه ويهي
ياني اكتآب ويأست
بعدين يت في بالي فكره قلت خليني أجربها
امتنعت من غسل ويهي بالصابون بتاااااتا
كل انواع الصابون والغسول منعته عن ويهي الا ما ندر
يعني يمكن كنت أغسل ويهي بالصابون مره بالاسبوع
أو مره بالاسبوعين
وبعدين سرت خذت لي من الصيدليه سودو كريم وحطيت فوقه زيت اللوز من عند العطار
واستمريت عليه يوميا
والحين كملت سنتين والحمد الله ويهي صافي لا حبوب ولا بقع
ولين اليوم وأنا ما أغسل ويهي بالصابون
ومستمره على الكريم بس بين كم يوم أحطه
وسألت كذا وحده من الاهل اللي ويوهم ما شاء الله صافيه قالولي انهم أبدا ما يستخدمون الصابون
وهاي هيه تجربتي