شنط راقيه حق الزهبه ولا عاديه؟؟؟

شحاالكم ياا حلوااات

حبيت استفسر هل اخذ شنطه راقيه وغاليه شوي حق الزهبه عسب استفيد منها عق ووتكون قويه

ولا اخذ شي يمشي الحال ؟ شرات الي تنباع في المنتدى

اعتقد يبالي 6 شنط …فطقم بيكون حلوووو

^_^

شوو رااايكم؟؟ صدق محتاره

وكم توصل الشنط الراقيه …الي شترت منهم تفيدنا؟

وتسلمون

انا عن نفسي انصحج بانج تاخذين طقم واحد بس ويكون راقي ونوعيه ممتازه وبعد ما ترتبين اغراضج شوفي شو القياس الي بتحتاجينه وحاولي تاخذين بس يكون لون غير عن الي خذتيه عشان التنويع لانج بتستفيدين منهن وحتى ريلج بيستفيد منهن

طبعا بتقولين ما يكفي احط كل الأغراض بهذا الطقم بس؟؟؟

بس خليج ذكيه وفطينه وسوي نفس ما سويت بترتاحين من زحمة الشنط الي بيتمن ع جبدج

طبعا بالنسبه لي كان عندي شنط لونين احمر والحجم صغير الي ينحط في الطياره

والثاني رصاصي والحجم كبير والمتوسط

وبس صح انهن ما كفن وخذت ثنتين زياده وما كفن لكن شو فايدة زحمة الشنط؟؟؟

بس فكرت ورتبت اغراضي بها الطريقه

طبعا عشان توضح لج الصورة استوا عدد الشنط (6) 2 كبار نفس القياس ووحده وسط هذيله نفس اللون الرصاصي و 3 حمر متفاوتات في القياس اكبر وحده فيهن اصغر من الرصاصيه الوسط(فهمتي قصدي؟؟) والثنتين الباقيات اصغر واصغر يعني الحمر الثلاث يدخلن في بعظهن وحطيتهن في شنطة رصاصية كبيرة،، والوسط الرصاصي حطيتها داخل العودة(( وضحت الصورة؟؟))

الحين يا دور ترتيب الزهاب
نبدأ باللون الرصاصي
الكبار 2 وحده حطيت فيها كل المخورات مع شيلهن والثانيه كل جلابيات + صراويل+شلح+بجامات قطن اما الشنطه الوسط حطيت فيها قمصان النوم والملابس الداخليه والبجايم الحرير

الشنط الحمر اكبر وحده منهن حطيت فيها البدل والبناطلين والبديات ولبس الدلع والتيشرتات،، الثانيه حطيت فيها الشيل السود والملونات،،، والاخيرة حطيت فيها الصابون واغراصي المتفرقه( استشوار مكينة براون ويعني التناتيف الي مب متشابهات واحجامها صغيرة)

طبعا بتقولين وين باقي الاغراض؟؟؟

اشتريت ادراج من خيزران وصندوقين من خيزران وسلة بيضاوية مفلطحه من خيزران تقريبا شكلهن طقم

الأدراج صفيت فيهن النعلان عزكن الله

وصندوق حطيت فيه الفوط طبعا مرتبات بحركات وربطتهن بشرايط

وصندوق حطيت فيه الشحاطات(الشباشب)

وطبعا كلهن هذيله غلفتهن بتغليف شفاف وسويتهلن حركات وربطات ورد مجفف

وبالنسبه للسله البضاويه حطيت فيها الشبابيص والمشوط ونفس الشي غلفتها وعدلتها

وبقى العطورات حطيتهن بصحن زجاج فيه قاعده وعدلته بريش وصفيت العطور وغلفته بورق شفاف والخ

اما عن الإكسسوارات حطيتها في بكس وزينته بريش والخ

اما عن اطقم الكريمات كان يايني هدية ومعدل وخليته ع حطته

والمكياج بعد كان يايني هديه وخليته على حطته معدل في بكس

اما عن شنطي والبوك
حطيتهن في مندوس كبير كان يايني هديه من اهل ريلي ايام الملجه

بالنسبه للذهب اخوي اشترالي تجوري اول ما اشتريت الذهب وحطيته فيه

والمغربيات وأطقم العبي بعلاليقهن ومحطوطات باكايس الدوبي

وطبعا انا ما سويت عزيمه حق الزهبه في بيتنا طرشتهن قبل العرس بخمس ايام بيت اهل ريلي الي هو بيتي حاليا(هاهاهاه) بها الطريقه وحتى هم ما تعبو يوم صفو الاغراض لانه كل شي كان مرتب بس الي في الشنط رتبوه في الكبت وكان مرتب لانه كنت حاطه كل قطعه من ملابسي باكياس شفافه ومعطرات ومدخنات والين الحين على حطتهن بس بالنسبه للعطورات الاكسسوارت والكريمات والمكياج كنت ماخذه كبت من زجاج من هوم سنتر وصفولي كل هالاغراض في الكبت طالع واااااااايد حلو وهالكبت محطوط في صالتي وع يمين الكبت في الجدار في فتحه مسويلها ديكور وااايد حو شكله تسريه فيها مثل الرف حاطيلي مفرش وكوبين زجاج وشمعتين شكل تفاح اخضر وحطيتلي منظرة بس مب مثبتنها عشان يوم اتعدل ما ازعج ريلي اذا كان نايم

اما عن باقي الاغراض النعلان كنت ماخذة بعد نفس البكس كبير ومقسم من داخل حق النعلان من هوم سنتر وفيه غطاه شفافه حطيته تحت السرير والادراج الي كنت حاطه فيها النعلان حطيته عدال التسريحه وحطيت فيه الشبابيص،،، وسله الشبابيص فتحتها وبخليها في المطبخ حق الفواكه

والصندوق الي كان فيها الشباشب فظيته وحطيتهن ويا النعلان
والصندوق الي كان فيه الفوط فظيته في درج مال الكميدنو الي عدالي

ومندوس الشنط كنت شاريه من تاجره علاق الشنط وحطيته في الكبت ورتبت فيه الشنط، والابواك صفيته في درج من أدراج الكميدينو الثاني الي عدال ريلي (( وحليله كل الكبت والادراج حقي ))

وهذا كل شي ما ادري اذا ناسيه شي

والسموووووووووووووووووووووووووووووووحه اني طولت ادري هذرت وايد بس حبيت انج تستفيدين وخواتنا بعد يستفيدن

واذا في اي سؤال ع الخاص