كل وحده تخبرنا كيف شو الادوات تستخدمها حق الحمام والغرفه
واهم شي شو طريقتج لجعل الحمام ابيض
العدة تكون كالأتي:-
ديتول+منظف الكلس من جف للحمامات+كومفرت+فرشاة خشنه+هاربك للمرحاض..
أنظف الأرضيه بديتول مع الفرك بالفرشاة..
وأرش المغاسل والحوض مع البيبات بمنظف الكلس وأبدأ أفرك عدل أشطف الأرضيه مع المغاسل وغيره..
فهالوقت أكون محطيه هاربك في المرحاض أخلص شطف الأرضيه وأنظف المرحاض..
أخر شي أشطف الأرضيه بمخفف كومفرت عسب الريحه وبس..
انا استخدم الجف وديتول صابون وهاربك وفرشاة خشنه واسفنجه وكلوركس
سطل فيه ماي وغطاة ديتول فوطة هذي طريقتي للسيراميك ..
للحمام ليفة اسفنجية سطل صغير وماي ومكنسة وديتول وهاربيك للحمام
1. اييب بخاخ جف وارشه في البانيو والمغاسل وعلى اللوالب واخلية دقيقة وافركه بالليفة.
2. استخدم صابون تايد لارضية الحمام وافركة بأسفنجه بالذات على الخطوط الفاصلة بين السيراميك … (تبون الصراحه << احط الاسفنجة تحت ريلي وافرك الارضية وانا واقفة)
3. احط الهاربك في المرحاض وافرك شوي بالفرشاة … وعقب اسحب السيفون.
4. اييب غطاتين ديتول واحطهم في كاس الحمام واضيف الماي وارش الحمام واشطفة الشطفة الاخير .
5. استخدم شفاطة الحمام في شفط بقايا الماي … وعقب اييب فوطة وامسح الباقي …
وعلى فكرة اتم ريحه الديتول عندي في الحمام لين ثاني يوم …
ونصيحه ثانية انا استخدم القطعه الي تتعلق في المرحاض وتقدرين اتعبينها مرة ثانية (اتكون على شكل مستطيل) … واستخدم قطعه ثانية دائرية اتحطينها داخل خزان السيفون … وما تتجمع المادة البنية على اطراف المرحاض …
الافرنجي يتعبني من كثر ما افركه بالفرشاه ..
ما احب يكون فيه اصفرار لو بسيط لاني لو اهملته بيتغير لونه ..
بس من استخدمت اقراص تنحط فكرسي الافرنجي من فوق وين تسحبين السيفون ..
ومايحتاي فراك كل يوم ..
بس اسحب السيفون ويلق الافرنجي بياض..
لكن ريحت قوية لانه فيه مبيض كلوروكس ..
تعرفون الاقراص الزرقه هذه نفس فكرتها لكن العلبه خضرا والقرص داخل ابيض
وبتحصلونه بالجمعيات ..
ديتول و ماي و تايد و افرك بفرشاه فراااااااااااااااااااااك
لين ما تطلع روحي
عقب اشغل الشفاط
و اخلي باب الحمام مفاوح عسب ما يكون فيه رطوبه لين ما يجف
عقب اسكره