بغيت اسالكن ..
هل لازم النفاس تتسدح .. يعني خطر اذا تمت جالسة ..
لاني اتضايق وانا منسدحة ع السرير ..بس امي تقول لازم تتسدحي اقلها لو العشرين
اليوم الاولى .. وعقب احب اغير لولدي الكبير هو عمرة سنة ونص امي تقول لا تحملينه موب زين
ع ظهرج …الحين لازم الوحده تتسدح عشان تستوي تمام .. ابغي اسمع خبرتكم ..
مع العلم انا والدة لي ثمن ايام … اتمنى تفيدوني ..
وبعد … شو اسوي الدم مرررة قليل ينزل يعني لو بتم من دون فوطة عادي …هذا شي عادي
وشو الي ينزل الدم …
وسلامتكم ..
صدقها امج
الكبار اخبر منا فاشيا واايد
بس بعد .. مب تتسدحين اليوم بطوله
قد ما تقدرين اتسدحي ..
وبخصوص ولدج .. صدق حاسبي مب زين اتشلينه
او حتى اتشلين اي شي ثجيل ..
لو اتحطين مشد واايد اوكي .. حطيه وانتي متسدحه عشان ما ياثر ع الرحم
والدم اتنزله الاشيا الحارة .. جرفه وميرامية
هالاشيا اتنظف الرحم خلال الاربعين .. فلا تقطعينها
والحصاه بعد اتنزل الدم .. سخنيها ولفيها بفوطه من تدفى حطيها
ع بطنج من نص ساعه لساعه .. والله ييسر لج هالفترة
دعواتج لي الله يكرمني بالولادة الطبيعية الميسرة عاجلا غير اجل
للرفع
روح اخوها كفت وفت
بعد 20 يوم امشي وايد ولا اتشلين شي ثقيل لانه بتستويلج غازات
واشربي وايد اشيا حارة وحطي حصا حارة عسب تختفي الكرش وابدي اهتمي بنفسج
المشاركة الأصلية كتبت بواسطة روح اخوها 
الكبار اخبر منا فاشيا واايد
بس بعد .. مب تتسدحين اليوم بطوله
قد ما تقدرين اتسدحي ..
وبخصوص ولدج .. صدق حاسبي مب زين اتشلينه
او حتى اتشلين اي شي ثجيل ..
لو اتحطين مشد واايد اوكي .. حطيه وانتي متسدحه عشان ما ياثر ع الرحم
والدم اتنزله الاشيا الحارة .. جرفه وميرامية
هالاشيا اتنظف الرحم خلال الاربعين .. فلا تقطعينها
والحصاه بعد اتنزل الدم .. سخنيها ولفيها بفوطه من تدفى حطيها
ع بطنج من نص ساعه لساعه .. والله ييسر لج هالفترة
دعواتج لي الله يكرمني بالولادة الطبيعية الميسرة عاجلا غير اجل
مشكورات خواتي كفيتن ووفيتن
هيه صح خطر على صحتج تتعبين خصوصاالاسبوعين الاوائل
تحركي عادي بس بدون تعب
اشربي مشروبات ساخنه للدم
قرفه حلبه حليب شوربه
وابتعدي عن اي شي بارد