السلام عليكم
ولدي عمره شهرين ونص رظاعه طبيعيه وصار له شهر تقريبا يعاني من امساك شديييد ما يوصخ الا اذا عطيته تحميلة جلسرين او دوفالاك .. وها اللي وصفوه المستشفى .. المشكله ان يتم طووول اليوم تعبان ويتعصر ويصيح وما يقدر يرظع عدل ولا يوصخ مووول الين اعطيه الجلسرين بالليل ويوصخ وااايد بس يرتاح شوي فتره بسيطه ويرجع يتعصر ويصيح الين ينام .. غامظني ما يقدر يوصخ روحه ومن قد التعصر صار دايما فوق خشمه وتحت عيونه احمر 
تقولون ولاده … ومادري لي متى بيتم على هالحال
انصحوني يزاكم الله خير
الله يكون في عونج حبيبتي
والله يشافيه ويعافيه بس عزيزتي انتي المفروض تسالين الدكتور شو سبب الامساك وغير جي اللي اعرفه انه مب زين الجسم يتعود على المسهلات والملينات لانه الجسم يتعود عليها وبالتالي ما يقوم بوظايفه بصوره طبيعيه عشان جي اختي ودي ولدج عند دكتور ثاني خاصة طفل في ها العمر وامساك شديد مع انه يرضع رضاعه طبيعيه ؟؟؟!!!! لازم اتعرفين شو سبب الامساك؟
الله يوفقج 
بالتوفيق اختي بارك الله فيك
السلام عليكم جوهرة
وينج ماتدخلين تجمعنا
ان شاء الله مايشوف شر الكتكوتبجري كان نفس الشي كان عنده امساك شديييييييد يتعصر ويصااااارخ كأن عنده ولادة بس انا كنت اعطيه صناعي!!!!! غرية ان ولدج يرضع طبيعي ويسير امساك!!!! متاكده انج او اي حد في البيت ماتعطينه صناعي او اكل ثاني مثل الحبة الحمرا او اي شي؟؟؟؟؟؟
نصيحة لاتحطيله تحاميل دكتور اطفال منعني من هذا الشي
الدوفالاك وايد زين مايخلي الجسم يتعود عليه حتى لو استخدمتيه فترة طويلة وقطعتيه عادي
كل صبح نص ملعقة صغيرة ونفس الشي المسا يومياً
ودلكيه بزيت الزيتون الدافي وخلي جسمه متدفي خاصة منطقة البطن
البرد يأذي اليهال يسويلهم مغص ويبوسة
اذا ترضعينه بس من صدرج ولا تعطينه اي شي ثاني راقبي شفايفه
اذا ناشفة بالرغم انج ترضعينه ممكن تعطينه شوية ماي بين الرضعات يمكن حليبج مافيه ماي كفاية يعني غليظ على الياهل او تاكلين وايد سكريات فينشف جسم الياهل
اخت ريلي كان ولدها جذيه فوصفلها الدكتور حليب نوفولاك للإمساك والحمدالله راح عنه قاللها تعطيه لين ست شهور والحمدالله الحين كمل ست شهور وغيرتله الحليب وما ياه إمساك
وانا ولدي مرة عطيته تمر والحمدالله ارتاح سويت تمر مع ماي حار وبعدين شخلته وحطيت الماي في الرضاعة وشربه وبعد شوي ارتاح
ما اعرف الصراحة
ان شاء الله حد يفيدج حبوبة
للرفع
الله يعافيه فديت روحه